Jarystar kúndeligi

Kúres Afınada (Grekııa) ótip jat­qan kúres túrlerinen kadetter arasyndaǵy álem chempıonatynda grek-rım kúresiniń balýandary jarysty aıaqtady. Elimizdiń jas balýandary bir kúmis jáne bir qola medalǵa ıe boldy.

Álem chempıonatynyń ekinshi kúni kilemge shyqqan tórt birdeı balýanymyz qola medal úshin beldesýge shyqqan edi. О́kinishke qaraı, tórteýdiń arasynan tek Erasyl Mamyrbekov qana álem chempıonatynyń júldegeri atandy. 42 kılo salmaqta kúresken Erasyl Mamyrbekov jubanysh beldesýde túrik balýanyn 5:3 ese­bimen jeńdi. Qola medaldy úndistandyq balýanmen sarapqa salǵan otandasymyz qarsylasyn 2:1 esebimen jeńdi.

Fýtzal Fýtzaldan qazaq jáne álem jankúıerlerine Kakaý esimi­men tanylǵan brazılııalyq jat­tyqtyrýshy Rıkardo Kamara Sobral fýtzaldan Qazaqstan ult­tyq quramasyn qaıta jat­tyqtyratyn boldy. 45 jas­ta­ǵy bapker elimizdiń bas qura­masyn 2013-2016 jyldar ara­lyǵynda jattyqtyrǵan bolatyn. Osy jyldar aralyǵynda Qazaqstan quramasy Kakaýdyń bapkerligimen 2016 jylǵy álem chempıonatyna qatysyp, 1/8 fınalǵa shyqsa, dál sol jyly Eýropa chempıonatynda úshinshi oryn ıelengen edi. 

Endi Ulttyq quramada Ka­kaýǵa «Qaırat» fýtzal klýbyndaǵy kómekshileri Marıo Raýlıno men Raber Kleımar kó­mek­tesedi. Kakaý «Qaırat» klý­byna basa kóńil bólý úshin ult­tyq quramadaǵy qyzmetin 2016 jyly otandasy Alesıoǵa tap­syrǵan bolatyn. 

Aýyr atletıka Aýyr atletıkadan Qazaqstan qu­ramasyna dopıng ereje bu­zý­shylyqtaryna baıla­nysty AQSh-tyń Anahaım (Kalı­for­nııa) qalasynda ótetin 2017 jyl­ǵy álem chempıonatyna qatysýǵa tyıym salyndy, dep jazady insidethegames.biz basylymy.

Derekkózdiń málimetinshe, dopıng ereje buzýshylyqtaryna baılanysty Qazaqstannan bó­lek, taǵy segiz memleketke dú­nıejúzilik dodada óner kórsetýge qatań tyıym salynǵan eken. Olar – Reseı, Qytaı, Belarýs, Ázerbaıjan, Armenııa, Túrkııa, Ýkraına jáne Moldavııa. Osy atalǵan quramalardy Beıjiń jáne London Olımpıadasyndaǵy dopıng-synamalaryn qaıta tekserý nátıjesinde birqatar zil­temirshilerdiń aǵzasynan tyıym salynǵan preparattar tabylǵan. 

Halyqaralyq Aýyr atletıka federasııasynyń (IWF) at­qarý komıtetine osy atalǵan quramalarǵa qatysty qandaı shara qoldaný kerektigi jaıynda arnaıy komıssııa Býdapeshtte qorytyndy shyǵarǵan. 

Ázirlegen  Álı BITО́RE, «Egemen Qazaqstan»