Aqtaýda ótken halyqaralyq bıznes forým aıasynda oblys ákimi E. Toǵjanov álemniń jetekshi jeti kompanııasynyń ókilderimen kezdesip, kelissóz júrgizdi.
Atap aıtqanda, 2005 jyly negizi qalanǵan Dýbaılyq «DP WORLD» kompanııasynyń ókilimen eki jaqty kelisimsharttyń sharttary talqylandy. Bul kompanııamen oblys basshysy buǵan deıin de birneshe ret kezdesý ótkizgen. Aıta keteıik, sheteldik mekeme kóp ýaqyttan beri álemdik naryqta júk tasymaldaýmen aınalysady.
Al, malaızııalyq «Reach Energy» kompanııasy qara altyndy tıimdi ıgerý boıynsha aldyńǵy qatarda kele jatqan mekeme. Atalmysh kásiporyn munaıly ólkede kógildir otyndy qaıta óńdep, ony suıytýmen aınalysýǵa daıyn ekenin jetkizdi. Eger eki jaqty kelissózder oń sheshimin tapsa, olar 2018 jyldyń sońyna deıin 55 myń tonna gaz óndiretin bolady. Taǵy bir malaızııalyq «One Ocean Environment Sdn Bhd» kompanııasy Mańǵystaý óńirinde óz jumysyn bastaýǵa daıyn. Mashına jasaý jáne elektrtehnıka jabdyqtaryn ornatý salasynda 40 jylǵa jýyq tájirıbesi bar mekeme. Kompanııanyń qazirgi maqsaty oblysymyzda energııa kózderin tartý jáne sý tushytý salasy boıynsha ınvestısııa salýdy kózdep otyr.
«Saj Group» kompanııasy túrli salada qyzmet kórsedi. 17 jyldyq tájirıbesi bar mekemeniń Mysyr, Kanada, Sýdan, Zambııa jáne Qazaqstanda bólimshesi ornalasqan. Munaıhımııa jáne munaıdy qaıta óńdeýmen aınalysatyn kompanııa bizdiń óńirde turmystyq qatty qaldyqtardy qaıta óńdeıtin zaýyt salýǵa nıetti.
Oblys ákimi E.Toǵjanov kelissóz júrgizgen «TECDRY» kompanııasy óńirimizde qurylys salasynda jumys istegisi keletinin aıtty. О́ıtkeni, bul kompanııa álemdik naryqqa munaı-hımııa salasyndaǵy qaldyqtardy tazalaý jáne túrli salady jasyl tehnologııany engizý boıynsha tájirıbesi mol.
Al, 2014 jyly qurylǵan túrkııalyq «Enerwo Energy» kompanııasynyń bas dırektory Ogýz Zeırek óńir basshysyna naqty josparymen tanystyrdy. Olar Mańǵystaý oblysynda bıtým zaýytyn salý maqsatynda kelgenin aıtty. Sebebi, bul aımaqta jańa baǵyttaǵy jol qurylystary salynýda.
Memleket tarapynan sheteldik ınvestorlarǵa jasalyp jatqan jeńildikterdi atap ótken halyqaralyq kompanııa ókilderi Mańǵystaý oblysynda jumys isteýge daıyn ekenderin jetkizdi, delingen baspasóz habarlamasynda.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy