Astana qalasynyń ákimdigi, Astana qalasynyń Tilderdi damytý basqarmasy 2017 jylǵy 17 qarashada «Rýhanı jańǵyrý – ulttyń uly muraty» jas aqyndar músháırasyn ótkizedi.
Músháıranyń maqsaty:
Ulttyń uly muraty – Táýelsizdik pen memlekettiliktiń, sondaı-aq rýhanı qundylyqtardy jańǵyrtýdyń mańyzdylyǵyn kópshiliktiń, jas urpaqtyń sanasyna sińirý arqyly olardy otansúıgishtikke, eljandylyqqa baǵyttaý. Táýelsiz Qazaqstannyń elordasy – Astananyń jarqyn jetistikterin pash etý. Shyǵarmashyl jastardyń ónerine qoldaý kórsete otyryp, memlekettik tildiń qoldanys aıasyn keńeıtý, óleń qudyreti arqyly qazaq tiliniń mártebesin kóterý.
Músháıra úsh kezeńnen turady:
irikteý kezeńi; daýys berý kezeńi; qorytyndy kezeń.Músháıra sharttary:
músháıraǵa 14-29 jas aralyǵyndaǵy respýblıka aımaqtaryndaǵy aqyndar qatysa alady; qatysýshylar ózi týraly málimet (aty-jóni, oqý/qyzmet orny, baılanys nómirleri) joldaıdy; úmitkerler Táýelsizdikke, Astana qalasyna arnaǵan óz týyndylaryn (ár taqyrypqa saı bir óleń) usyný kerek.О́tinishter (óleńder men ózi týraly málimetter) 3 qarashaǵa deıin qabyldanady. Irikteýden ótken úmitkerlerge 6 qarashada habarlanady jáne olardyń óleńderi arnaıy saıtqa salynyp, 16 qarashaǵa deıin ınternet arqyly daýys berý kezeńi júrgiziledi. Qorytyndy kezeńde úmitker aqyndardyń óleńderi oqylyp, kórermender arasynda da daýys berý júrgiziledi. Jalpy áleýmettiń, keshke qatysýshy kórermenderdiń jáne qazylar alqasynyń saraptamalyq baǵasynyń nátıjesi boıynsha jeńimpazdar men nomınasııa ıeleri anyqtalady. Qorytyndy kezeń 17 qarashada ótedi.
Aqyndardyń myna erekshelikterine nazar aýdarylady:
sóz qoldanysyna, óleńniń mazmuny men tereńdigine; óleń uıqasyna, kórkemdik ereksheligine, taqyrypty ashý sıpatyna; shyǵarmalaryn oqý sheberligine (qorytyndy kezeńde); til tazalyǵyna, sahna mádenıeti jáne kıimine (qorytyndy kezeńde).Jeńimpazdar baǵaly syılyq, dıplom jáne alǵyshattarmen marapattalady.
Málimetter men óleńder (elektrondyq nusqada) 3 qarashadan keshiktirilmeı e.ensebaev@uya.astana.kz elektrondyq poshtasyna joldaný kerek.