Senator – komıssııa tóraǵasy

Taıaýda ótken UQShU Parlamenttik Assambleıasy Saıası máseleler jáne áleýmettik-mádenı turaqty komıssııasynyń otyrysynda UQShU-ǵa múshe memleketterdiń halyqaralyq kelisimder men sharttaryn júzege asyrý, bitimgershilik sala­syn­daǵy qyzmetin normatıvtik qamtamasyz etý máseleleri talqylandy, dep habarlady Senattyń baspasóz qyzmeti. Sankt-Peterbýrgte keshe bolǵan sharaǵa Senattyń Áleý­mettik-mádenı damý komı­te­ti­niń tóraǵasy Aqan Bıjanov bas­taǵan Parlament depýtat­ta­ry qatysty. Depýtattar Qa­zaq­stan Respýblıkasy Parlamenti Senatynyń taıaýdaǵy saılaý qorytyndylaryna, UQShU-ǵa múshe memleketter basshy­lary­nyń bıylǵy tamyzdaǵy Astana qalasyndaǵy beıresmı sammıti sheshimderin zańna­malyq turǵyda qamtamasyz etý máselelerine nazar aýdardy. Otyrysta A.Bıjanov UQShU Parlamenttik Assambleıasy Saıası máseleler jáne áleý­met­tik-mádenı turaqty ko­mıssııasynyń tóraǵasy bolyp saılandy. Depýtattar, sondaı-aq UQShU PA jumys jospa­ry­nyń jo­basyn, komıssııanyń kezekti otyrysyn ótkizý merzimin jáne basqa da máselelerdi talqylady.