«Pash» sózi qazaq tildi jalpaq qaýymnyń arasynda kóktemde tıgen juqpaly tumaýdaı tez taralyp, sóıleıtin, jazatyn qazaq ataýlyny túgel shyrmap alǵan adasqan sózge aınalǵaly otyz-qyryq jyldaı bolyp qapty.
«Pash» parsy tilinen aýysqan kirme sóz ekendigin til mamandary jaqsy biledi. Keńes bıligine deıingi qazaq qalamgerleri bul sózdi «áshkere, áshkereleý» maǵynasynda qoldanyp kelgen bolatyn. Mysal retinde alar bolsaq, Jaıaý Musa atanyp ketken jigerli aqynnyń Shormannyń Mustapasy zorlyqpen jalǵyz atyn tartyp alyp, ıtjekkenge aıdatyp jibergen zorlyǵy men qorlyǵyna yzalanyp, elge oralǵanda Shormannyń Mustapasyna arnaǵan óleńinde:
«Qylyǵyn Mustapanyń pash etemin» degendegi sózdiń maǵynasy áshkereleımin degen parsy sóziniń maǵynasyn dál berip tur. Al bul pash sózin endi kelip, maǵynasyn múlde almastyryp «madaqtaý, ulyqtaý» degen sózge nege aınaldyryp jiberdik? Osy tárizdi «abyz» sóziniń tarıhı termın ekendigine mán bermeı ol sózdi de san qubyltyp, bylyqtyryp jatqan jaǵdaıymyz bar. «Abyz» sózi jurtshylyqty ónerimen tánti etip moıyndatqan ıdeologtarǵa ǵana aıtylatyn termın sóz. Bul sóz áıelderge baılanysty eshqashanda aıtylmaıdy. Bul talapqa qarap jatqan biz joq. Keıbir aqyn áıelderdi de abyz aqyn dep aıtyp jatamyz.
Maqsat – ata-babadan qalǵan asyl sózderdiń maǵynasyn buzbaı, sóz tabıǵatyn óz qalpynda qoldanyp damytýda jatyr. О́ıtkeni álemdegi eń baı qordaly til – qazaq tili. О́ıtkeni bizdiń tildiń sózdik qorynda 2 400 000 sóz bolsa, bir jarym mıllıard qytaı halqynyń sózdik qory 400 myńdaı-aq, aǵylshyn, orystardyń sózdik qory budan da tómendeı beredi.
Mekemtas Myrzahmetuly, professor