Elbasynyń «Táýelsizdik dáýiri» atty eńbegi elimizdiń ótken jyldarda bastan keshken tarıhyn júıeli baıandaıtyn, elde óristegen asa kúrdeli prosesterdi tereń taldaıtyn sonymen qosa aldaǵy kúnderge artylatyn mindetterdi saralap ashýymen de qundy eńbek deımiz. Sóz basynda Prezıdent: «Bul kitap meniń uly qoldaýshym, kemel keleshegine óziniń qazaqstandyq jolymen qaryshtaǵan jasampaz halqyma arnalady» dep kitaptyń mazmunyn aıqyndap beredi.
Kitap elimizdiń jańa tarıhyn tutas qamtyǵan, mazmuny asa baı 4 bólimnen turady. Kitapta ár bólim óz ishinde birneshe bólikterge bólingen. Olardyń ataýlaryna da asa mán berilip, jańa tarıhymyz ben qazaqstandyq qundylyqtardyń dáýirlik oqıǵalary naqty ári aıqyn kórinis tapqan.
Atap aıtqanda, «Tarıhı ádilettilik saltanaty», «Tuǵyry berik memlekettik qurylym», «Basty qundylyǵymyz – beıbitshilikti qasterleı bildik», «Jańalyqtyń jyly lebi jáne qaıta túlegen dástúr», «Syrtqy saıasat: tyńǵa túren salǵandaı...», «Qııaǵa kóz tikken Qazaqstan barysy», «Baıandy bolsyn Bas qala!», «Saıası turaqtylyqtyń jemisi», «Táýelsizdik rýhymyzdy shyńdady», «Biz álemdik daǵdarys synaǵyna tótep berdik», «Buryn-sońdy bolmaǵan zııatkerlik órleý» jáne t.s.s. bólimderde ótken ómirimiz, ótkelderimiz, jarqyn sátterimiz jan-jaqty keń turǵyda baıandalady.
Sondaı-aq kitapta «qazaqstandyq damý úlgisiniń» tabıǵaty men onyń evolıýsııasy, basty ustanymdary men qozǵaýshy kúshteri saralanǵan. Qazaqstandy jańǵyrtýdyń úsh tolqyny keńinen ashyp kórsetilgen. Eńbekte memlekettiń ishki saıasatynyń jarqyn jetistikteri, ishki saıası jáne ishki ekonomıkalyq ózgeristerdiń qalaı júzege asyrylǵany baıandalǵan. Sonymen qatar aımaqtyq qaýipsizdik máselesi de keńinen taldanǵan.
Bul kitapta táýelsizdiktiń qadir-qasıeti, bostandyqtyń baǵa jetpes baılyǵy, memlekettilikti jetildirýdiń mol múmkindikteri egjeı-tegjeıli jazylǵanyna aıryqsha nazar aýdarýdy jón kóremiz.
Elimiz úshin táýelsizdik zamany ǵasyrlar júgin arqalaǵan erekshe kezeń retinde qundy. Elimizdiń táýelsizdigi men memlekettiliginiń ornyǵa túsýi, ulttyq qaýipsizdigi, ekonomıkamyzdyń jedel qarqynmen damı berýi, Qazaqstan halyqtarynyń óz bolashaqtaryna degen berik senimi, qazirgi zamandaǵy órkenıetti qoǵamdastyq ortasynda irgeli elge aınalýynda Elbasynyń saıasatkerligi, kóregen basshylyq tulǵasy aıqyn kórinetini sózsiz. Táýelsizdigimizdiń arqasynda el ekonomıkasy da jyldan-jylǵa nyǵaıyp, mádenı, rýhanı damý deńgeıi beleske kóterilýde. 2017 jyly EKSPO kórmesiniń Astanada ótýi, oǵan álemniń damyǵan memleketteriniń qatysýy – elimiz úshin úlken abyroı boldy.
Memleket basshysy bul eńbeginde «Bizdiń azamattarymyz, əsirese jastarymyz baǵdarymyzdyń ne úshin jəne qalaı aıqyndalǵanyn, təýelsiz Qazaqstannyń qandaı jaǵdaıda ómirge kelip, qurylǵanyn, ony qalyptastyrýda qandaı adamdardyń mańyzdy ról atqarǵandyǵyn, sol kezde qandaı oqıǵalar bolǵanyn bilýge tıis» degendi aıtady.
Olaı bolsa, qoǵamdyq ómir sabaqtary men Otanymyzdyń múddesi qazirgi tańda jas urpaqtyń aldyna patrıottyq dástúrge saı keletin jańa talaptardy qoıyp otyr. Bir kezde ata-babalarymyzdyń aldynda táýelsizdik úshin kúresý maqsaty turǵan bolsa, búgingi urpaq aldynda ony nyǵaıta túsý mindeti tur.
Shyn mánisinde Elbasynyń tarıhı mańyzy asa zor «Təýelsizdik dəýiri» atty eńbeginiń el tanytýshy qural retinde halqymyzǵa bereri mol.
Gúlsara DJOLDASBAEVA,
Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń prorektory
Mańǵystaý oblysy