Kenenbaev kenebindegi keskinder

Sýretshiniń Á.Qasteev atyndaǵy memlekettik óner mýzeıinde ashylǵan «Sulýtóbe» atty jeke kórmesine baryp, ártúrli jyldardaǵy 67 shyǵarmasymen tanysýdyń sáti tústi. 

Sýretshiniń týǵan jeriniń qurmetine oraı atalǵan kórme, qylqalam men jonǵysh sheberiniń oılary men kózqarastary týra­ly baıandaýmen qatar, ómir men tabıǵattyń barlyq boıaýla­ryn sińirgen. 1980 jyly aka­de­­mııalyq mánerde oryn­dalǵan shyǵarmalary týǵan eliniń qa­siretine toly kóp fıgýraly kom­pozısııalardy bildiredi. Má­selen, avtor óziniń «Qıly kezeń» dep atalatyn shyǵarmasyn bala­lyq shaǵyna arnaǵan. Shy­ǵar­mada soǵys taqyryby, ási­rese áıelder men balalardyń beı­nesi arqyly ótkir berilgen. Sum soǵystyń aýyrt­palyǵyn arqa­laǵan beıbit turǵyndardyń úzdiksiz eńbegi men azabynyń aldynda qaharmandyq pen tebirenis keıin sheginedi, sol arqyly sýretshiniń ishki serpilisi estile túsedi. «Tuıyqqa tirelý» atty týyndysynda Qazaqstannyń Reseıge qosylýyna arnalǵan is-sharalar kórinis tapqan. Bul shyǵarmasy arqyly sýretshi sol kezeńderdiń tarıhyn óz baı­­qaǵandarymen ushtastyra usy­nady. Úsh apta boıy alma­tylyqtardyń nazaryna usy­nylatyn shyǵarmashylyq kór­mede budan bólek sýretshiniń óner­súıer qaýymnan óz baǵa­syn alǵan kóptegen shyǵar­malary qoıylǵan.

«Peızajdarda avtor bir­tin­dep tabıǵattyń ómi­rin, onyń kúıin berýdegi naqty­ly­ǵy men dál­diginen bas tartady. Aǵash­tardyń dińderi men bu­­taq­­tarynyń, sáý­let qury­lys­tarynyń sol­qyl­­daq, áıel beı­neleriniń naqty emes tań­ǵajaıyp formalary as­pan­nyń kók, shóptiń jarqyn ja­syl, jar­qyraǵan kún nurymen qa­ra­ma-qarsy kelip, jańarýdyń qýa­­nyshty sezi­min týdyrady. Sý­ret­shiniń shy­ǵarmalary ja­ryq pen áýe keńis­tigine toly, on­da aýqym­dy boıaýlar túsi men bede­rin, qoz­ǵa­lysyn kórsete biledi. Olar sezim men kúızeliske baı­la­­nys­ty kúrdelenedi. Qýanysh qaı­­ǵyly sezimmen aralasady, qaı­­ǵ­y jaryq kóńil kúımen boıala­dy. Amankeldi Kenenbaevtyń ke­­nep­terinde qazaq jeriniń kóri­nis­teri súıis­penshilikpen jáne she­­ber­lik­pen beınelengen, ol sol ól­­keniń ta­bıǵaty men sýretshiniń jan dú­nıesin bildiredi», deıdi kór­me je­­tekshisi Svetlana Kób­janova.

Arman OKTIаBR, «Egemen Qazaqstan»

ALMATY