Strategııalyq seriktestiktiń sony serpini

Ekonomıkalyq jobalar mańyzdy

Memleket basshysy «Sheteldik jeke ınvestısııalar jónindegi korporasııa» (OPIC) memlekettik agenttiginiń prezıdenti Reı Ýoshbernmen kezdesýde qazirgi ýaqytta Qazaqstanda júzege asyrylyp jatqan ekono­mıkalyq jobalar jóninde aıtty.

– Biz «Sıfrly Qazaqstan» baǵ­dar­­lamasyn iske asyryp jatyrmyz. Ha­lyq­aralyq EKSPO-2017 kórme­sin ót­­kizdik. Kórme ınfra­quryly­mynyń baza­synda «Astana» ha­lyqaralyq qar­jy ortalyǵyn quramyz. Oǵan qaty­sý­shylardyń bárine aıryqsha jeńildikter qarastyrylǵan, – dedi Qazaqstan Pre­zıdenti.

Nursultan Nazarbaev ınvestısııa sa­lasyndaǵy qatynastardy nyǵaıtýdyń jáne ózara tıimdi ekonomıkalyq jo­balardy júzege asyrýdyń mańyz­dy­lyǵyn atap ótti.

R.Ýoshbern EKSPO-2017 kórmesinen alǵan áserin bólisip, aldaǵy ýaqytta Qa­zaqstannyń «Kazakh Invest» kompanııa­symen yntymaqtastyq týraly memo­randýmǵa qol qoıylatynyn aıtty.

Energetıka salasyndaǵy qatynastar nyǵaıady

Nursultan Nazarbaev AQSh-tyń Ener­­getıka mınıstri Rık Perrımen kez­­de­sýde AQSh Prezıdenti Donald Tramp­­­pen júrgizilgen kelissózder bary­synda qol jetkizilgen nátıjelerge toqtaldy.

Qazaqstan men AQSh-tyń munaı-gaz salasyndaǵy yntymaqtastyǵyna oń baǵa berip, Teńiz jáne Qashaǵan ken oryndarynda júzege asyrylyp jatqan jobalar jóninde aıtty.

Sondaı-aq Qazaqstanda ónimdi qaıta óńdeý salasyndaǵy ınvestorlardyń kúsh-qýatyn arttyrý qajettigine nazar aýdardy. Elimizdegi «jasyl» energetıkany damytýǵa ar­nal­ǵan jobalardyń júzege asyrylýy týraly áńgimelep, R.Perrıdi Tómen baıy­tyl­ǵan ýran bankiniń ashylýy jóninde habardar etti.

AQSh-tyń Energetıka mınıstri kez­desýge rızashylyǵyn bildirip, ınves­tı­sııa­­­lyq yntymaqtastyqty nyǵaıtýǵa sep­­­ti­­gin tıgizetin negizgi faktorlardy atady.

Kezdesý sońynda taraptar munaı-gaz jáne energetıka salalaryndaǵy eki­jaqty qatynastardy odan ári damytý jó­ninde pikir almasty.

Jıyrmadan astam kommersııalyq qujatqa qol qoıyldy

Investısııa salasyndaǵy qaty­nas­tardy odan ári damytyp, ekonomıkalyq yntymaqtastyqty keńeıtý, osy arqyly birlesken jobalardy júzege asyrý máseleleri budan soń Memleket bas­shy­synyń AQSh isker toptary ókilderimen kezdesýinde jalǵasty.

Qazaqstan Prezıdenti dóńgelek ús­telge qatysýshylarmen júzdeskenine jáne kezdesý uıymdastyrylǵanyna rızashylyq bildirdi.

Nursultan Nazarbaev Qazaqstan men AQSh arasynda ornyqqan qatynastardyń mańyzdylyǵy men strategııalyq sıpatyna toqtaldy.

– Amerıka Qazaqstan ekonomıkasyna salynǵan tikeleı ınvestısııalardyń kó­lemi boıynsha ekinshi orynda. Tá­ýel­siz­dik jyldary ishinde sizderdiń kom­­pa­nııa­laryńyz tarapynan Qazaq­stan­ǵa 50 mlrd dollardan astam ın­ves­tısııa quıyldy. О́tken jyly eki el arasyndaǵy taýar aınalymy 2 mlrd dollarǵa jetti.

Bizdiń elde energetıka, kólik, ınnovasııa, medısına jáne basqa da salalarda Amerıka kapıtalynyń qatysýymen 500-den asa kompanııa tabysty jumys istep keledi. Iri seriktesterimizdiń qatarynda «Shevron», «Ekson Mobıl», «Djeneral Elektrık», «Hellıbıorton» jáne basqa da kompanııalar bar, – dedi Nursultan Nazarbaev.

Memleket basshysy keń aýqymdy ekijaqty qatynastardy qamtıtyn Ke­ńeıtilgen strategııalyq áriptestik týraly birlesken málimdemeni qabyldaýdyń erek­she mańyzdylyǵyn atap ótti.

Sondaı-aq Nursultan Nazarbaev Qa­zaq­­stannyń kólik-tranzıttik áleýetin da­­my­tý úderisine toqtalyp, bıznes júr­gi­zý úshin memleket tarapynan jaǵdaı ja­saý­ǵa baǵyttalǵan sharalar jóninde áńgime­ledi.

– Investısııalyq ahýaldy jaqsar­typ, ınvestorlardyń quqyqtaryn qor­ǵaý úshin turaqty jumystar júrgi­zilýde. Qazaqstan Ekonomıkalyq ynty­maq­tastyq jáne damý uıymynyń Inves­tısııalar jónindegi komıtetiniń qaýym­dastyrylǵan múshesi boldy jáne Halyqaralyq ınvestısııalar jónindegi deklarasııaǵa qosyldy. Bizde AQSh-ty qosa alǵanda, 62 eldiń azamattary úshin vızasyz rejim engizildi. Kásipkerlik salasyndaǵy zańnama jetildirilýde. 11 arnaıy ekonomıkalyq aımaq jáne 22 ındýstrııalyq aımaq jumys isteýde. Onda qajetti ınfraqurylym men jeńildikter kózdelgen, – dedi Qazaqstan Prezıdenti.

Sonymen qatar Memleket basshysy Qazaqstan ekonomıkasyn sıfrlandyrý jáne óndiriske ınnovasııany engizý barysyna erekshe nazar aýdardy.

– «Sıfrly Qazaqstan» arnaıy mem­le­kettik baǵdarlamasy qabyldandy. Osyǵan oraı, ekonomıka salalaryn sıfr­landyrý jáne ınnovasııalyq eko­júıeni damytý jónindegi jobalardy jú­zege asyrý mańyzdy bolyp sanalady. Máselen, Nazarbaev Ýnıversıteti jáne In­novasııalyq tehnologııalar parki sııaqty ınnovasııalyq klasterler jumys isteýde. Bıyl Astanada IT-star­tap­tardyń jańa halyqaralyq teh­nopar­ki ashylady. Osynyń bári bizdiń ynty­­maq­­tastyǵymyzdyń bolashaǵy zor bolýy­na jol ashady, – dedi Nursultan Nazarbaev.

Qazaqstan Prezıdenti amerıkalyq bız­nesmenderdi agroónerkásip keshe­nindegi birlesken jobalardy júzege asyrý isine qatysýǵa shaqyrdy.

Budan bólek Memleket basshysy elimizdegi jekeshelendirý baǵdar­la­masynyń iske asyrylý barysy jáne «jasyl» ekonomıka salasyndaǵy jobalardy damytýdyń keleshegi týraly aıtty.

– О́tken jyly «Bolashaqtyń energııasy» taqyrybymen Halyqaralyq EKSPO-2017 mamandandyrylǵan kórme­sin tabysty ótkizdik. Bul kórme búkil pla­netanyń «taza» energetıka salasyndaǵy joǵary tehnologııalyq jáne zııatkerlik áleýetin kórsetýge keremet múmkindik týǵyzdy. Kórme keshenderi ınnovasııalyq jáne ornyqty damý mindetterine ári qaraı da qyzmet ete berdi. Atap aıtqanda, EKSPO ınfraqurylymynyń bazasynda «jasyl» tehnologııalardy jáne ınvestısııa­lardy damytý jónindegi halyqaralyq ortalyq jumys isteıtin bolady. Ol elimizde jáne óńirde «jasyl» jobalardy júzege asyrýǵa septigin tıgizedi, – dedi Qazaqstan Prezıdenti.

Sondaı-aq Nursultan Nazarbaev «As­ta­na» halyqaralyq qarjy ortaly­ǵy­nyń mártebesi erekshe ekenin atap ótip, onyń jumysynyń aldaǵy josparlaryna toqtaldy.

– «Astana» halyqaralyq qarjy orta­lyǵynyń jumysyna qatysýshylarǵa 50 jylǵa deıin salyqtyq jeńildikter beriledi, sondaı-aq valıýtalyq, vızalyq jeńildikter jáne eńbek rejimderiniń jeńil­dikteri usynylady. Bul – óńirde­gi jumysy aǵylshyn quqyǵyna negizdel­gen birden-bir ortalyq. «Astana» halyq­­aralyq qarjy ortalyǵynyń joǵa­ry tehnologııalyq bırjasyn qurýǵa Shan­haı qor bırjasy jáne Amerı­ka­nyń NASDAQ bırjasy tartyldy. «Astana» ha­lyqaralyq qarjy orta­ly­ǵynyń «jasyl», ıslamdyq jáne ınno­va­sııalyq qar­jy quraldaryn damytý jó­nindegi óńirlik ortalyqqa aınalýy úshin zor múmkindigi bar. Jaz aıynda biz halyqaralyq qo­ǵam­dastyq úshin «As­tana» halyqaralyq qarjy ortalyǵynyń res­mı tanystyrylymyn ótkizýdi josparlap otyrmyz, – dedi Memleket basshysy.

Sońynda Qazaqstan Prezıdenti ótki­zilgen kezdesýdiń eki eldiń jaqyndasýyna jáne ózara tıimdi áriptestikti nyǵaıtýǵa serpin beretinine senim bildirdi.

Kezdesý barysynda AQSh-tyń isker toptar ókilderi Qazaqstanmen eko­no­mı­kalyq yntymaqtastyqty keńeı­týge zor qyzyǵýshylyq tanytty.

Memleket basshysynyń resmı sapary aıasynda avıasııa jáne ǵarysh­tyq zertteýler, munaı hımııasy jáne aýyl sharýashylyǵy, sondaı-aq ınfra­qurylymdy damytý salasyndaǵy jobalardy júzege asyrýǵa baǵyttalǵan 7 mlrd dollarǵa jýyq qarjy kó­le­mindegi ınvestısııa jáne saýda-eko­no­mı­kalyq yntymaqtastyq týraly 20-dan astam kommersııalyq qujatqa qol qoıyldy.

Budan bólek, sapar barysynda 3 úkimetaralyq kelisim jasaldy.

Bular: Memlekettik áýe kemelerine aero­na­vıgasııalyq qyzmet kórsetkeni úshin aqy almaý týraly, Qazaqstan Respýblıkasynyń aýmaǵy arqyly ótetin kommersııalyq temir jol tranzıtin qamtamasyz etý týraly, Halyqaralyq salyq tártibin je­til­dirý týraly kelisimder.

Sondaı-aq keshe Qazaqstan Pre­zı­denti Amerıka Qurama Shtattarynyń Vıse-Prezıdenti Maıkl Penspen kez­desti. Kezdesýde taraptar ekijaqty yq­ty­maqtastyqtyń meılinshe ózekti máse­lelerin talqylady. Áńgimelesý barysynda Nursultan Nazarbaev pen Maıkl Pens Qazaqstan men AQSh arasyndaǵy saıa­sı jáne ekonomıkalyq qarym-qaty­nas­­tardy nyǵaıtyp, odan ári keńeıte túsýdiń mańyz­dylyǵyn atap ótti.

Abaı ASANKELDIULY, «Egemen Qazaqstan» – Vashıngtonnan (AQSh)

Sýretter Prezıdenttiń baspasóz qyzmetinen alyndy