О́skemen qalasynda quqyq qorǵaý qyzmeti ortalyǵynyń ashylǵanyna bir aı da bolǵan joq. Shyǵys Qazaqstan oblystyq prokýratýrasynyń baspasóz qyzmetiniń taratqan málimetterine súıensek, 21 jeltoqsanda ashylǵan ortalyqtyń mamandary osy ýaqytqa deıin oblystyń 200-den astam turǵynyn qabyldapty.
Azamattarǵa ár sala boıynsha aqysyz negizde quqyq qorǵaý qyzmetteri kórsetildi.
«Bul jerde aryzdar men ótinishter jedel jáne sapaly túrde sheshiledi. Negizinde turǵyndar azamattyq-quqyqtyq máseleler, sot sheshiminiń oryndalmaýy, quqyq qorǵaý organdary qyzmetkerleriniń áreketteri nemese áreketsizdikteri jóninde keńes alý úshin júginedi», - deıdi ortalyq qyzmetkerleri.
Máselen, abaqtydan raqymshylyqpen bosatylyp, qalanyń bir dıspanserinde esepte turǵan nemeresiniń jeke kýáligin bir jyl boıy ala almaı júrgen zeınetker Lıdııa Ponomarevaǵa naqty kómek kórsetildi. Onyń aıtýynsha, ol HQKO, polısııa mne TO júgingen. Esh jerde oǵan naqty kómek kórsetilmegen soń, ol quqyq qorǵaý qyzmetiniń ortalyǵyna kelgen. Bul jerde onyń máselesi bir kún ishinde sheshildi. Zeınetker ortalyq qyzmetkerlerine alǵys aıtty.
Eske sala ketý kerek, ortalyqtyń negizgi mindeti – aryzdardy jedel sheshý, azamattardyń quqyq qorǵaý organdaryna senimin arttyrý, ákimshilik kedergiler men bıýrokratııany joıý.
Quqyq qorǵaý qyzmetiniń ortalyǵy Voroshılov kóshesi, 58 mekenjaıynda ornalasqan, azamattardy jumys kúnderi 9.00-den 18.30-ǵa deıin qabyldaıdy.
Azamat QASYM, «Egemen Qazaqstan»