Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Joldaýyn túsindirý jáne iske asyrý jónindegi jıynda Batys Qazaqstan oblysynyń ákimi Altaı Kólginov osylaı dep málimdedi.
- О́ndiris oshaqtarynyń deni qazirdiń ózinde materıaldyq-tehnıkalyq turǵyda modernızasııalap, óndiris kólemin ulǵaıtýdy kózdep otyr. Bizdiń óńirimizde qolǵa alynǵan fındik tehnologııalardy odan ári damytyp, qurylys salasyna keń kólemde engizýdi qamtamasyz etemiz. EKSPO-2017 halyqaralyq kórmesiniń alańynda bolǵan kelissózderdiń nátıjesinde qol jetkizilgen jańa tehnologııalar jasyl ekonomıkaǵa múmkindik ashady. Oral qalasyndaǵy turmystyq qatty qaldyqtardy qaıta óńdeý jumystary júzege asyrylady. Sonymen qatar, oblys ortalyǵyn jaryqtandyrýda qoldanylǵan energııa únemdeýshi shamdardy aldaǵy ýaqytta da keńinen paıdalanatyn bolamyz. Mysal úshin aıtar bolsaq, Evrazııa dańǵylynyń boıyna qoıylǵan shamdar bizge energııa kózderin 42 paıyzǵa deıin únemdeýge múmkindik berdi, - dedi óz sózinde óńir basshysy.
Memleket basshysy Joldaýynda «2018 jyl - elordamyz Astananyń 20 jyldyǵyn atap ótetin mereıtoıly jyl» ekenin málim etken edi. Astananyń tájirıbesi negizinde «Smart Sıtı» «etalondy» standarty Oral qalasynda da qalyptasyp keledi. «Aqyldy qalalar» óńirlik damýdyń, ınnovasııany taratýdyń jáne elimizdiń barlyq aýmaǵynda turmys sapasyn arttyrýdyń lokomotıvterine aınalatyny sózsiz. Bizdiń Oral qalasynda smart-sıtı prınsıpterine sáıkestendirýge tolyq múmkindikterimiz bar. Alǵashqy qadamdary retinde qalada ornatylyp jatqan beıne baqylaýlardy, qala emhanalarynyń elektrondy tablolarmen jabdyqtandyrylýyn, aýrýhanalardyń qaǵazbastylyqtan arylýǵa baǵyttalǵan jańa jobalaryn aıtýǵa bolady» deıdi Altaı Kólginov.
Ákimniń aıtýynsha, 2018 jyly óńirde jańa tehnologııany qoldaný artyp, IT-salaǵa erekshe kóńil bólinbek. Smart Sıtı jobasy boıynsha jańadan 30 jobany iske qosý josparlanǵan. Ákimniń aıtýynsha, 2018 jyly óńirde jańa tehnologııany qoldaný artyp, IT-salaǵa erekshe kóńil bólinbek. Smart Sıtı jobasy boıynsha jańadan 30 jobany iske qosý josparlanǵan. Jańa tujyrymdama boıynsha jol boıyna, dálizderge, mektepter men balabaqshalarǵa 6 myńnan asa beınekamera ornatý qolǵa alynǵan edi, endi oǵan qosymsha taǵy 1,5 myń kamera qoıylady. Munyń bári qaýipsizdik úshi qyzmet etedi.
Oraldyqtar infobus.kz saıtynan qaladaǵy qoǵamdyq kólikterdiń qozǵalysyn baqylaı alady, onyń ústine SMS-BUS júıesi arqyly aqy tóleıdi. Jaqynda jańa týǵan sábıdiń kýáligin onlaın-qyzmet arqyly alýǵa bolatyn júıe iske qosyldy. Oral qalasyndaǵy barlyq emhanada elektrondy kezek iske qosylǵan. «Jedel járdem» qyzmetinde jasalǵan jańǵyrtýdyń nátıjesinde dárigerlik kómektiń naýqasqa jetýi 3 mınýtqa deıin qysqarǵan. Oblys ortalyǵyndaǵy barlyq 39 medısınalyq mekemede dárigerlik aqparattyq júıe iske qosyldy.
Altaı Kólginovtiń aıtýynsha «Aqyldy tehnologııa» qalaǵa ǵana qamalmaı, aýylǵa da barýy tıis. О́ıtkeni ol – agroónerkásip keshenin qarqyndy damytý múmkindigi.
- Aýylsharýashylyǵynyń alǵa qadam basýy úshin agrarlyq ýnıversıtetterde oqý baǵdarlamasy jańartylady. Ǵylymmen aınalysatyn mamandar daıyndalady. Jańa tehnologııalar men bıznes-modelder engiziledi. Bul turǵyda bizde Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń áleýeti zor. Elbasynyń tapsyrmasy boıynsha 5 jyl ishinde agroónerkásip keshenindegi eńbek ónimdiligi jáne óńdelgen aýyl sharýashylyǵy ónimniń eksporty, kem degende 2,5 esege artýy qajet. Byltyr biz aýylsharýashylyǵy ónimderiniń eksporttaý boıynsha birqatar jumystardy júzege asyrdyq. Iran eline tasymaldanǵan marqa etterin aıtýǵa bolady. Bıyl da osy qarqyndy tómendetpeı, jańa tehnologııalardy engize otyryp jumystardy atqaramyz. Indýstrııalandyrý kúni Elbasynyń aldynda ashylǵan jylyna 7 myń tonna qus etin óndiretin fabrıkanyń, «Kýbleı» jáne «Jelaev» makaron óndirý kásiporyndarynyń evropalyq memleketterden alynǵan qurylǵylar arqyly tehnıkalyq turǵyda modernızasııalanǵanyn atap ótýge bolady. Osy saladaǵy ózge kásiporyndar da osylaı jańǵyrýdy qolǵa alýy tıis, - dedi oblys aktıviniń aldynda óńir basshysy.
Bul jıynda Batys Qazaqstan oblysy aktıvi aldynda Oral qalasynyń ákimi Murat Muqaev, «Oral transformator zaýyty» dırektory Aqjol Saýranbaev, Naazarbaev zııatkerlik mektebi dırektorynyń halyqaralyq orynbasary Rokko Ýorren jáne basqalary sóz sóılep, Elbasy joldaýynan týyndaıtyn mindetterdi júzege asyrýdyń tetikteri týraly oılaryn ortaǵa saldy.
Qazbek QUTTYMURATULY
«Egemen Qazaqstan»
Sýretti túsirgen Temirbolat TOQMÁMBETOV