Ortalyq kommýnıkasııalar qyzmetinde «Halyqaralyq baǵdarlamalar ortalyǵy» AQ «International Education Fair 2018 – Halyqaralyq bilim kórmesi» taqyrybynda baspasóz konferensııasy ótti.
Sharaǵa «Halyqaralyq baǵdarlamalar ortalyǵy» AQ prezıdenti Janbolat Meldeshov, «Halyqaralyq baǵdarlamalar ortalyǵy» vıse-prezıdenti Meıirjan Alpysbaıuly, Oqytýdy uıymdastyrý departamentiniń dırektory Aqmaral Sapanova qatysty.
«Halyqaralyq baǵdarlamalar ortalyǵy» AQ Bilim jáne ǵylym mınıstrliginiń qoldaýymen Ortalyq Azııadaǵy eń iri «International Education Fair 2018» halyqaralyq bilim kórmesin ótkizgeli otyr. Kórmege 100-den astam otandyq jáne AQSh, Ulybrıtanııa, Eýropa men Azııa jáne TMD sııaqty shetel joǵary oqý oryndary, til úıretý mektepteri men bilim agenttikteri qatysady», dedi J.Meldeshov.
Sonymen qatar ol sharaǵa 10 myńnan astam adam qatysatynyn tilge tıek etip, onyń maqsatyna da toqtalyp ótti. «Atalǵan kórme bilim salasyndaǵy halyqaralyq yntymaqtastyqty arttyrý, shetelde stıpendııalyq baǵdarlamalar arqyly bilim alý múmkindikteri jaıly habardar etý, sonymen qatar halyqaralyq bilim jobalaryn iske asyrý boıynsha tájirıbe almasýdy kózdeıdi», dedi J.Meldeshov.
«International Education Fair 2018» kórmesi 20-25 qańtar aralyǵynda Astana, Almaty, Shymkent qalalarynda ótedi.
Raýan QAIDAR, «Egemen Qazaqstan»