Jambyldyq kishkentaı matematık Irandaǵy ja­rys­qa qa­tysady

Segiz jasar bal­a bolashaqta ǵaryshker bolyp, aspan álemin zertteýdi ar­man­daı­dy. Talabymen tas jar­ǵan Nurmuhammad ótken jy­ly Ma­laızııa memleketiniń astanasy Kýala-Lýmpýr qala­sy­nyń «Genting International Convention Centre» bazasynda «IýSMAS» akademııasynyń uıym­­dastyrýymen mentaldy arıf­metıka baǵdarlamasy boıyn­sha ótken jarystan júl­demen oral­ǵan edi. Osymen 22-shi ret uıym­dastyrylyp otyr­ǵan halyq­ara­lyq jarysqa álem­niń 45 elinen 3000-nan asa oqý­shy­ qa­tysqan. Al izdenimpaz Nur­mu­hammad Atymtaı osy synda ekinshi oryn ıelendi.

Halyqaralyq básekeniń talaby boıynsha árbir qatysýshy 8 mınýtta 200 esepti shyǵarýy kerek eken. Nurmuhammadtyń oısha esepteýdegi shapshańdyǵy álemniń bilimdi balala­rynyń arasynda qyzyǵýshylyq týǵyzǵan. Endi Nurmuhammad jaratylystaný ǵy­lym­daryn úırený úshin matematı­kany tolyq meńgerý jolynda iz­dený ústinde.

Ulynyń talabyn sezgen áke­si Batyrhan Atymtaıuly «IýS­MAS» halyqaralyq mentaldy arıf­­metıka akademııasy jaıly te­le­­dıdardan estigen eken. Sóıtip úsh balasyn da sol akademııaǵa oqý­ǵa bergen. Araǵa jyl salyp kenje uly Nur­muhammad bı­ik belesti ba­­ǵyn­dyryp otyr. En­di ol bıyl Iran­nyń Tarbıdze qa­la­synda óte­tin ha­lyqaralyq ja­rys­qa qa­ty­satyn bolady.

Búginde álemdik rekordtar ki­ta­byna engen «IýSMAS» ha­lyq­­aralyq akademııasynyń orta­lyq­tary elimizdiń barlyq óńirin­de jumys isteıdi. El ishin­degi erekshe daryndardyń bilimin jetildirip, talabyn asqaq­tatatyn akademııa bola­shaq­ta da Nurmuhammad sııaq­ty kish­kentaı matematıkterdi tárbıeleı bermek.

Hamıt ESAMAN, «Egemen Qazaqstan»

Jambyl oblysy