Respýblıkalyq komıssııa anyqtaǵan tyń derekter
Búgin О́skemendegi aımaqtyq kommýnıkasııalar qyzmetinde Úrjar aýdanynyń Sholpan aýylynda oryn alǵan jaǵdaıǵa baılanysty brıfıng ótti. Brıfıngke oblys ákiminiń orynbasary Ásem Núsipova, oblystyq densaýlyq saqtaý basqarmasynyń basshysy Marat Shoranov, oblystyq qoǵamdyq densaýlyq saqtaý departamentiniń basshysy Ǵazız Súleımenov pen onyń orynbasary Nurlanǵazy Ibraev qatysyp, atalǵan aýylda tekserý júrgizip, mán-jaıdy anyqtaǵan respýblıkalyq komıssııanyń atqarǵan jumystary, eldi mekendegi qazirgi ahýal jaıynda túsinikteme berdi.
Brıfıngte eń aldymen sóz alǵan Ásem Núsipova atalǵan komıssııa quramynda Densaýlyq saqtaý mınıstrliginiń bilikti sarapshylary, naqtylap aıtqanda, Qoǵamdyq densaýlyq saqtaý komıtetiniń basqarma basshysy Roza Qojapova, Infeksııalyq jáne parazıttik aýrýlardy epıdemıologııalyq monıtorıngileý departamentiniń dırektory Manar Smaǵul, Almatydaǵy S.Asfendııarov atyndaǵy Ulttyq Medısına ýnıversıtetiniń balalar juqpaly aýrýlary kafedrasynyń dosenti Marına Golovenko jumys istegenin, sonymen qatar oblystyq densaýlyq saqtaý basqarmasy tarapynan da arnaıy komıssııa qurylǵanyn, oǵan basqarma basshysynyń orynbasary Raıfa Safıollınova jetekshilik etkenin atap ótti. Budan keıin sóz sóılegen oblystyq densaýlyq saqtaý basqarmasynyń basshysy Marat Shoranov respýblıkalyq komıssııanyń jumysyna jan-jaqty toqtalyp, Úrjar aýdandyq ortalyq aýrýhanasynyń bas dárigeri J.Tileýberlınniń BAQ ókilderine balalardyń A gepatıti juqpasyn juqtyrýyna qatysty qate aqparat bergenin, atalǵan komıssııa sary aýrý dıagnozy qoıylǵan 12 baladan bólek taǵy da 19 adamnyń medısınalyq kómekke júgingenin anyqtaǵanyn aıtty. «Alaıda aýdandyq aýrýhana basshylyǵynyń epıdemıologııalyq jaǵdaıǵa nemquraıly qaraýynan aýdannyń qoǵamdyq densaýlyq saqtaý basqarmasyna ambýlatorııa basshylyǵy málimetti ýaqytynda bermegen. Sonyń saldarynan A gepatıtiniń jeńil túrimen aýyrǵan 19 naýqas resmı statıstıkaǵa eńgizilmeı qalǵan. Olardyń barlyǵy der kezinde ambýlatorııalyq deńgeıde emdeýden ótken. Qazirgi ýaqytta olardyń densaýlyǵy qalypty jáne janyndaǵy adamdarǵa qaýip tóndirmeıdi. Jalpy, tekserý nátıjesinde aýdandyq ortalyq aýrýhana basshylyǵynyń óreskel zań buzýshylyqtarǵa jol bergeni, turǵyndarǵa medısınalyq kómek kórsetý men onyń sapasyn qadaǵalaý jumystary, tirkeýge alý-esep berý qujattary durys júrgizilmegeni, sanıtarlyq talap erejeleriniń oryndalmaǵany, dıagnostıka jasaý men emdeý protokoly saqtalmaǵany anyqtaldy. Anyqtalǵan zań buzýshylyqtar boıynsha aldaǵy ýaqytta Úrjar aýdandyq ortalyq aýrýhanasyndaǵy jaýapty tulǵalarǵa qyzmettik tekserý júrgizilip, tıisti shara qoldanylatyn bolady», - dedi basqarma basshysy. Sonymen qatar M.Shoranov komıssııaǵa Sholpan aýylynyń turǵyndary tarapynan kámelettik jasqa tolmaǵan balany Úrjar aýdandyq ortalyq aýrýhanasyna jetkizý úshin jáne dári-dármek alý úshin ata-anasynyń aqsha tólegeni jaıynda shaǵym túskenin tilge tıek etti.
Respýblıkalyq komıssııaǵa jetekshilik etken oblystyq qoǵamdyq densaýlyq saqtaý departamenti basshysynyń orynbasary Nurlanǵazy Ibraev mamandar Sholpan aýylynda qaıtys bolǵan bala gepatıttiń A túrinen emes, fýlmınantty, ıaǵnı basqa aýyr túri men ótkir baýyr nekrozynan kóz jumýy múmkin dep boljam jasap otyrǵanyn, alaıda kesimdi baılam tergeý amaldarynyń qorytyndysynan keıin jarııalanatynyn jetkizdi. Sholpan aýylynyń turǵyndary respýblıkalyq komıssııaǵa A gepatıtimen syrqattanǵan adamdardyń medısınalyq jáne ambýlatorlyq qujattaryndaǵy jazbalardyń ózgertilgeni týraly da shaǵym jasaǵan bolatyn. Nurlanǵazy Ibraev bul máseleniń jáne aýdandyq aýrýhanadaǵy oryn alǵan olqylyqtardyń anyq-qanyǵyna kóz jetkizý úshin qosymsha komıssııa qurylatynyn málimdedi.
Brıfıngten keıin Sholpan aýylynda qaıtys bolǵan qyz balanyń anasy Indıra Jánibekovamen telefon arqyly sóılestik. «Istiń anyq-qanyǵyna kóz jetkizý úshin arnaıy respýblıkalyq komıssııa qurylǵany durys boldy dep oılaımyn. Bastamasy jaman emes sekildi. Biraz olqylyqtardy anyqtady. Bul kisiler sonaý Astanadan bireýdi qorǵaıyn dep emes, istiń aq-qarasyn ajyratyp, bardy bar, joqty joq dep aıtýǵa keldi dep esepteımin. Mundaı komıssııa qurylmasa keıbir olqylyqtar jabýly qazan jabýly kúıi qalar ma edi, kim bilsin?! Qoǵamdyq densaýlyq saqtaý komıtetiniń tóraǵasy Jandarbek Bekshinniń ózi iske aralasyp, BAQ ókilderine suhbat berip, mán-jaıdy túsindirip jatyr. Meniń balam gepatıttiń basqa túrinen qaıtys boldy degen boljamdaryn da aıtyp jatyr. Alaıda meniń qolyma ázirge eshqandaı qujat tıgen joq. Sondyqtan qozǵalǵan qylmystyq istiń qorytyndysyn kútemiz», - deıdi ol.
Azamat QASYM,
«Egemen Qazaqstan»
Shyǵys Qazaqstan oblysy.