Oblys ortalyǵyndaǵy S.Toraıǵyrov atyndaǵy memlekettik ýnıversıtette Vladımır Vysoskııdiń (1938-1980) 80 jyldyǵyna arnalǵan sharany «Vdohnovenıe» kitapqumarlar jáne «Tarıhı tulǵalardy este saqtaý» klýby uıymdastyrdy.
Oqý orny janynan ashylǵan klýb músheleri, stýdentter, oqytýshylar ádebıet, teatr, mýzyka jáne kıno tarıhynda máńgilik oryn alǵan, búkil halyqqa ortaq tanymal tulǵalardy árkez osylaı eske alady. Keshke jınalǵandar aqyn, ártis V.Vysoskıı jaıly aıtty. Onyń repertýarynda 600-den astam án men 200-den astam óleń bar. Vladımır Vysoskıı áskerıler, shahterler, arheologtar, shahmatshylar men alpınıster úshin de ol -«óz adamy» bolyp qalyptasqan. Keńes ókimeti kezinde ómir súrgen búgingi orta jastaǵylar, keshegi jastar Vysosııdi Dáýir adamy, Dáýir tulǵasy dep baǵalaıdy. Qos klýbtyń tóraǵasy Aslan Ázerbaevtyń aıtýynsha, Vladımır Vysoskıı – «damyǵan sosalızm» kezeńin aıshyqtap kórsetken aqyn. Ol radıo men televıdenıede, gazetterde aıtylmaǵan jaıttardy ashyq aıtty.
- Bard Vysoskıı úshin «ruqsat etilmegen» taqyryptar bolǵan joq. Ol mahabbat, dostyq, qylmystyq álem men ishimdik taqyryptaryn da shyǵarmashylyǵyna arqaý etti. Onyń poezııasy men prozasy, ártistik jáne rejısserlik jumystary «Brejnev ýaqytyn» naqpa-naq kórsetedi, - deıdi A.Ázerbaev.
Shara aıasynda V. Vysoskııdiń ómiri men shyǵarmashylyǵyna arnalǵan kórme ótti.
Farıda Byqaı «Egemen Qazaqstan» Pavlodar Sýretti túsirgen: Rýfına Torpısheva