Prezıdent N.Nazarbaev óziniń bıylǵy Joldaýynda Qazaqstannyń qol jetkizgen tabystaryn saralaı kelip, eldiń óndirýshi kúshin jańǵyrtý baǵytyndaǵy negizgi mindetterdi atap kórsetti.
Joldaýda ınnovasııalyq ekojúıe jetistiginiń negizgi faktory retinde ekonomıkanyń naqty sektoryndaǵy jańa tehnologııaǵa suranys pen jeke naryqty qarjylandyrý máselesi oryndy kóterilgen. Nursultan Nazarbaev tórtinshi ónerkásiptik revolıýsııanyń aıasynda jumysty qaıta jandandyrý úshin adam kapıtalyna basymdyq berip otyr. Máselen, eńbek ónimdiligin aıtarlyqtaı joǵarylatý maqsatynda egindi egý men jınap alýdyń tıimdi merzimin zamanaýı tehnologııalar arqyly anyqtap, «aqyldy sýarý», mıneraldy tyńaıtqyshtardy jáne aramshóp otaýdy ıntellektýaldy júıe arqyly júzege asyrý qajettigi naqty aıtylǵan.
Memlekettik basqarý mekemeleri eldi jańǵyrtý barysynda óz tarıhyn, tilin, mádenıetin biletin adamdardyń qoǵamyn qalyptastyrýdy júzege asyrýy tıis. Osy oraıda aıta ketý kerek, árbir qazaqstandyq shetel tilderin meńgerip, zamanaýı jáne jahandyq kózqarasqa ıe bolýy qajet.
Negizinde, Prezıdent N.Nazarbaevtyń bıylǵy Joldaýynda qazaqstandyq qoǵam men memlekettiń keleshektegi damý baǵyty aıqyn kórsetilgen. Bul óz kezeginde eldiń ýaqyt talabyna saı damýyna múmkindik beredi.
Aleksandr BAIChOROV, fılosofııa ǵylymdarynyń doktory, professor (Belarýs)