Keshe Qazaqstan Respýblıkasy Ortalyq saılaý komıssııasy EQYU Astanadaǵy baǵdarlamalar keńsesimen birge «Qazaqstan Respýblıkasyndaǵy múmkindikteri shekteýli azamattardyń saılaý quqyǵyn júzege asyrý máseleleri: qazaqstandyq jáne halyqaralyq tájirıbe» atty dóńgelek ústel ótkizdi.
Dóńgelek ústeldi ótkizýdiń basty maqsaty – saılaý jáne referendým kezinde Qazaqstandaǵy múgedek sanatyndaǵy azamattardyń saılaý quqyqtarynyń júzege asyrylýyn qamtamasyz etý máselelerin, sondaı-aq saılaý quqyqtaryn júzege asyrýdyń jańa múmkindikteri men tájirıbelerin qarastyrý. Qazaqstan Ortalyq saılaý komıssııasynyń tóraǵasy B.Imashev elimizdiń Konstıtýsııasy boıynsha árbir azamatqa saılaý jáne saılaný quqyǵyna kepildik beriletinin atap ótti. Saılaý organdary múmkindikteri shekteýli azamattardyń saılaý prosesterine tolyqqandy qatysýyn qamtamasyz etýi tıis.