Konstıtýsııalyq Keńes «Neke (erli-zaıyptylyq) jáne otbasy týraly» kodekstiń 47-babynyń 5-tarmaǵyn konstıtýsııalyq emes dep taný týraly Qaraǵandy oblysy kámeletke tolmaǵandar isteri jónindegi mamandandyrylǵan aýdanaralyq sotynyń usynysyn is júrgizýge qabyldap aldy.
Sot usynysynda analyqty jáne balalyqty áleýmettik qorǵaý máseleleri kóterilgen. Usynysty qaraýǵa ótinish bergen sýbektiniń pikiri boıynsha kodekstiń atalǵan normasy zań men sot aldynda jurttyń bári teń ekendigi týraly qaǵıdany buzady jáne Konstıtýsııanyń ana men bala memlekettiń qorǵaýynda bolady degen 27-babynyń talaptaryna sáıkes kelmeıdi. Buǵan jańa týǵan balany kútip-baǵýǵa alıment jáne onyń anasyn asyraýǵa aqshalaı qarajat óndirip alý týraly sotqa túsken azamattyq is ótinish berýge sebep boldy. Sottyń osy ótinishi boıynsha Konstıtýsııalyq Keńes otyrysy ótti, dep habarlady Konstıtýsııalyq Keńestiń baspasóz qyzmeti.