1 aqpanda Qazaqstan halqynyń sany 18 mln 177,7 myń adamdy qurady. Bul ótken jyldyń osy kezeńindegi kórsetkishten 240,6 myń adamǵa artyq nemese 1,3% prosent joǵary, dep habarlaıdy Ulttyq ekonomıka mınıstrliginiń baspasóz qyzmeti.
Sonyń ishinde qalalyqtar 10 439,6 myń (57,4%), aýyldyqtar - 7 738,1 myń adamdy (42,6%) qurady. AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2018 jylǵy qańtarda 33,3 myń sábı týǵan, bul 2017 jylǵy qańtarǵa qaraǵanda 4,4% kóp.
Týýdyń jalpy koeffısıenti 1000 adamǵa 21,42 týylǵandardy qurady. 2018 jylǵy qańtarda respýblıka halqynyń tabıǵı ósimi 2017 jylǵy qańtarmen salystyrǵanda 2,5 myń adamǵa nemese 13,1% kóbeıip, 21,5 myń adamdy qurady. Tabıǵı ósimniń jalpy koeffısıenti 1000 adamǵa shaqqanda 13,83 adamdy qurady.
2018 jylǵy qańtarda respýblıkada 1 jasqa deıingi 317 náreste ólimi tirkeldi. 2017 jylǵy qańtarmen salystyrǵanda 1 jasqa deıingi shetinegen náreste sany 7,1% kóbeıdi. Náreste ólim-jitiminiń negizgi sebebi - perınataldyq kezeńde paıda bolatyn jaǵdaılar, budan 2018 jylǵy qańtarda 146 náreste qaıtys bolyp, náresteler arasyndaǵy jalpy ólim sanynyń 46,1% qurady. Týa bitken aýytqýlardan 64 nemese 20,2%, tynys organdary aýrýlarynan - 29 nemese 9,1% jáne jazataıym jaǵdaıdan, ýlanýdan jáne jaraqattan - 11 nemese náresteerdiń 3,5% prosenti qaıtys boldy.
2018 jylǵy qańtarda náreste ólim-jitiminiń koeffısıeti 1000 sábıge shaqqanda 9,53 náresteni qurady. Kóshi-qon qyzmeti organdary usynǵan málimetterdi óńdeý nátıjesinde, 2018 jylǵy qańtarda elimizge turǵylyqty turýǵa kelgenderdiń tirkelý sany 2017 jylǵy qańtarmen salystyrǵanda 9,2% kemip, 1 360 adam qurady. Elimizden ketken kóship-qonýshylardyń tirkelý sany 34,9% kóbeıip, 2 258 adam qurady. Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń úlesi 78,1%; TMD elderge ketkenderdiń úlesi 86,7% qurady. О́ńiraralyq kóship-qonýshylardyń úlesine elimizdiń jalpy ishki kóship-qonýshylar sanynyń 33,3% kurady. О́ńiraralyq kóshi-qonnyń oń aıyrymy: Astana qalasy - 1 058 adam; Almaty qalasy - 3 549 adam; Aqmola oblysy - 157 adam; Mańǵystaý oblysy - 26 adam.