Búgin Reseı Federasııasynda kezekti prezıdenttik saılaý ótip jatyr. Daýys berý aldymen Qıyr Shyǵys aımaǵyndaǵy saılaý ýchaskelerinde ashyldy.
Konstıtýsııaǵa sáıkes, Prezıdent 6 jylǵa saılanady. О́ıtkeni áleýmettik-ekonomıkalyq, saıası sheshimder qabyldap, reforma júrgizý úshin burynǵy 4 jyldyq merzim az ýaqyt sanalǵandyqtan, oǵan taǵy eki jyl qosylǵan bolatyn. 6 jyldyq merzimge birinshi bolyp Vladımır Pýtın saılanǵan. Reseıdegi prezıdent saılaýyna qatysyp jatqan segiz kandıdattyń aty-jóni daýys berý bıýlletenine alfavıttik tártip boıynsha engizilgen: Sergeı Babýrın ("Rossııskıı obshenarodnyı soıýz" partııasy), Pavel Grýdının (Reseı Federasııasy kommýnıstik partııasy), Vladımır Jırınovskıı (Reseı lıberal-demokratııalyq partııasy), Vladımır Pýtın (ózin ózi usynǵan), Ksenııa Sobchak ("Grajdanskaıa ınısıatıva" partııasy), Maksım Sýraıkın ("Kommýnısty Rossıı" partııasy), Borıs Tıtov ("Partııa rosta" saıası uıymy) jáne Grıgorıı Iаvlınskıı ("Iаbloko" partııasy).
Reseıdegi saılaý zańnamasy boıynsha el prezıdentin saılaý jergilikti ýaqytpen saǵat 08:00-den 20:00 aralyǵynda júrgiziledi.