2019 jyly Qaraǵandy oblysynda joǵarǵy qysymdy «Saryarqa» magıstraldi gaz qubyrynyń qurylysy bastalady. Aımaǵymyzdyń 120 eldi mekeni men alty iri qalasyn tabıǵı gazben qamtý josparlanýda.
Qaraǵandy oblysy ákiminiń orynbasary Anatolıı Shkarýpanyń aıtýynsha, naýryz aıynyń basynda Prezıdenttiń tapsyrmasyna qatysty jańa jumys toby uıymdastyryldy. Onyń quramyna Qaraǵandy oblysynyi ókilderi de endi, sebebi «Saryarqa» gaz qubyrynyń negizgi bóligi, atap aıtsaq, 820 shaqyrymy bizdiń aımaq terrıtorııasy arqyly ótedi. Búgingi tańda belsendi fazada jer ýchaskelerin gaz qubyrynyń júıelik bóligine burý jáne jer ústi qurylymdar astyna jiberý boıynsha jumystar júrip jatyr,- dedi Anatolıı Shkarýpa.
Qaraǵandy oblysynyń aýmaǵynda úsh avtomattandyrylǵan gaz taratý stansasyn qurý kózdelýde, olar úıler men kásiporyndarǵa gaz taratý kezinde gaz qysymyn azaıtý úshin qajet. Olar Jezqazǵan, Temirtaý jáne Qaraǵandyda paıda bolady.
Energetıka mınıstrligi men QazTransGaz málimetteri boıynsha, bul nysandarǵa qatysty merzim 2020-shy jyldyń ortasy dep josparlanyp otyr. Sol kezde biz ózimizdiń gaz taratý júıelerimizdi magıstraldi gaz qubyryna qosa alamyz. 2019-shy jyly biz gaz taratý júıeleriniń qurylysyn bastaýymyz kerek.
Anatolıı Shkarýpanyń sózinshe, ary qaraı oblystyń eldi mekenderin magıstraldi gaz qubyryna qosý qarjylyq múmkindikterge qatysty bolmaq. - Barlyǵyn birden qosý múmkin emes. Bizdiń jobara úsh gaz taratý júıeleri bar, olarǵa eń jaqyn ornalasqan eldi mekender birinshi bolyp qosylady,- dep túsindirdi Anatolıı Shkarýpa.
Gaz jeke úıler men kópqabatty turǵyn úılerge beriledi dep josparlanýda. Sonymen qatar gaz qubyrynyń qurylysy aımaqtardaǵy ekologııalyq jaǵdaıdy túzetedi degen úmit bar. Gazdandyrý atmosferaǵa taralatyn zııandy zattar mólsherin azaıtýǵa kómektesedi, jánede janar maı retinde arzan tabıǵı gazdy qoldaný arqyly kásipkerlergede óz paıdasyn tıgizedi.
Astanany, Qazaqstannyń ortalyq jáne soltústik aımaqtaryn gazben qamtıtyn «Saryarqa» magıstraldi gaz qubyryn qurý tórt kezeń boıynsha júrgizilmek.Birinshi kezeńde uzyndyǵy 1081 shaqyrymdy quraıtyn Qyzylorda-Jezqazǵan-Qaraǵandy-Astana baǵyty boıynsha magıstraldi gaz qubyrynyń qurylysy josparlanǵan. Ekinshi kezeńde Astana men Kókshetaý aralyǵynda, úshinshi kezeńde Petropavlovskqa deıin gaz qubyryn salý kózdelgen. Sońǵy tórtinshi kezeńde «Jezqazǵan» jáne «Temirtaý» kompressorlyq stansalaryn qurý qarastyrylǵan.