Reseı Federasııasynyń azamattary Qazaqstannyń 17 qalasynda óz elindegi prezıdent saılaýyna qatysa alady.
QR-daǵy RF elshiligi baspasóz qyzmetiniń málimetinshe, Qazaqstandaǵy Reseı elshiliginiń jáne bas konsýldyqtarynyń janyndaǵy saılaý ýchaskeleri kelesi jerlerde ornalasqan:
1.Astana - Reseı ǵylym jáne mádenıet ortalyǵy;
2. Aqtaý - Abaı atyndaǵy mádenı keshen;
3. Aqtóbe - Oqýshylar saraıy;
4. Almaty - Reseıdiń Bas konsýldyǵy;
5. Atyraý - Qurmanǵazy atyndaǵy Mádenıet úıi;
6. Qaraǵandy - Kenshiler mádenıet úıi;
7. Kókshetaý - «Kókshetaý» mádenıet úıi;
8. Qostanaı - Oblystyq Dostyq úıi;
9. Pavlodar - Estaı atyndaǵy Mádenıet saraıy;
10. Petropavl - Sátpaev kóshesi, 37 úı;
11. Prıozersk - 97-shi Ofıserov úıi;
12. Semeı - Balalar pen jastar shyǵarmashylyq saraıy;
13. Taldyqorǵan - I.Jansúgirov atyndaǵy mádenıet saraıy;
14. Taraz - № 8 Tóle bı atyndaǵy mektep-gımnazııa;
15. Oral - Musıt kóshesi, 78 úı;
16. О́skemen - Reseıdiń Bas konsýldyǵy;
17. Shymkent - Oqýshylar saraıy. Sonymen qatar, Qordaıda (16 naýryz) jáne Qyzylordada (15 naýryz) merziminen buryn kóshpeli daýys berý uıymdastyrylǵan.
Eske sala keteıik, búgin Reseı Federasııasynda kezekti prezıdenttik saılaý ótip jatyr. Saılaýǵa qatysyp jatqan segiz kandıdattyń aty-jóni daýys berý bıýlletenine alfavıttik tártip boıynsha engizilgen: Sergeı Babýrın ("Rossııskıı obshenarodnyı soıýz" partııasy), Pavel Grýdının (Reseı Federasııasy kommýnıstik partııasy), Vladımır Jırınovskıı (Reseı lıberal-demokratııalyq partııasy), Vladımır Pýtın (ózin ózi usynǵan), Ksenııa Sobchak ("Grajdanskaıa ınısıatıva" partııasy), Maksım Sýraıkın ("Kommýnısty Rossıı" partııasy), Borıs Tıtov ("Partııa rosta" saıası uıymy) jáne Grıgorıı Iаvlınskıı ("Iаbloko" partııasy).