Ońtústik Qazaqstandaǵy zorlandy delingen balanyń qazir qaıda ekeni týraly Astanadaǵy "Asyl bala" qoǵamdyq qorynyń atqarýshy komıtetiniń tóraıymy Anar Raqymbaeva pikir bildirdi.
"Qazirgi ýaqytta bala men onyń anasy Astanadaǵy bizdiń daǵdarys ortalyǵymyzda. Oǵan qajetti barlyq kómek kórsetilip jatyr. Erteń olar Almatyǵa jolǵa shyǵady dep kútilip otyr, olar ol jaqta da bizdiń daǵdarys ortalyǵymyzǵa ornalastyrylady", - dedi Anar Raqymbaeva brıfıngte.
Onyń aıtýynsha, anasy men balasy áli de memlekettiń qamqorlyǵynda. Jaqynda halyqaralyq sarapshylardyń qatysýymen saraptama júrgizý boıynsha kelisim jasalady. Barlyq áreketter Bas prokýratýra ókilderiniń qatań baqylaýynda bolady.
Eske sala keteıik, balanyń anasy memlekettik qamqorlyqtan bas tartyp, táýelsiz saraptama jasaý úshin ulyn Almatyǵa aparýǵa sheshim qabyldady.