Baǵytymyz – aıqyn, bolashaǵymyz – jarqyn

25 qarashada bolyp ótken «Nur Otan» HDP-nyń kezekten tys HIV se­zinde belgilengen baǵdarlamalyq mindetter óziniń halyqqa jaqyndyǵymen erekshelenip otyr. Bul Elbasy, «Nur Otan» halyqtyq-demokratııalyq par­tııa­synyń Tóraǵasy Nursultan Nazar­baevtyń sóılegen sózinde jan-jaqty kórindi. Tómende partııa sezine kelip, onyń ju­my­syna qatysyp qaıtqan bir top delegattyń osy aýqymdy saıa­sı sharadan, partııanyń saılaýaldy tuǵyr­na­masynan al­ǵan áserlerin jarııalap otyrmyz. Olarda «Nur Otannyń» qa­shan­da óziniń mindettemelerine adaldyq ta­ny­typ kele jatqa­nyn­a, osy joly da sol údeden kórinetinine senimdilik aıqyn seziledi.   Tatýlyqty tý etken eldenbiz Nurjan KALENDEROV, Jambyl aýdanynyń ákimi. «Nur Otan» HDP-nyń kezekten tys HIV sezinen úlken áser­men oraldym. Elimizdiń túkpir-túkpirinen kelgen delegattar al­dynda Elbasy: «Biz jasampaz jı­yrma jylda júz jylǵa tatıtyn ulan-ǵaıyr joldy ba­syp óttik. Araıly azattyq arqy­ly qol jetkizgen jetis­tik­te­ri­mizdiń bar­sha­­syn­da «Nur Otan» partııa­synyń súbeli úlesi bar. Tóńiregine mu­rat­tas serikterim toptasqan partııa táýelsizdik jyl­darynda qo­ǵamdy jańa jo­balarǵa jumyl­dy­ra bildi. Shyn máninde halyqtyq uıymǵa aı­nal­ǵan «Nur Otan» meniń basta­ma­laryma qoldaý kór­setip, irgeli isterdiń uıytqysy bolýda. Osy­laısha biz bıik belesterdi birge baǵyndyrdyq», degende kóńilim­de erekshe bir tolqý men qýanysh paıda boldy. Shynynda, bul el egemen­di­giniń jeńisi men jemisiniń biri emes pe! Táýelsiz elimizdiń teń­digi men eldiginiń aıqyn kórinisi eldegi saıası partııalardyń paı­ym­dy áreketinen anyqtalsa kerek. «Nur Otan» HDP paıymdy da pármendi tirligi eldegi búkil áleýmettik-ekonomıkalyq baǵdar­la­malardyń qozǵaýshy kúshine aı­naldy. Elimizdegi barlyq memlekettik jobalar Elbasynyń sara saıasatynyń súzgisinen ótip, par­tııa­nyń durys baqylaýynan soń jedel ári tıimdi júzege as­ty. Bu­ǵan memleke­ti­mizdiń barlyq aı­maq­tarynda atqarylyp jat­qan taǵylymdy tirlikter dálel. Sanany serpiltip, otan­shyl­dyq sezimge qanat bitirgen saıası jıyn­nan túıgenim, el aldynda atqarǵan ár jumys ataýsyz qal­maıdy eken: eńbektegen baladan eńkeıgen qa­rııaǵa deıingi qaýy­mnyń arman-mu­raty múddeles bolsa, Táýelsizdigi máńgilik myz­ǵy­mas memleket qurýǵa mol múm­kindik bar. Buǵan elimizdiń áleýmettik, eko­nomıkalyq jaǵdaıy jyldan jylǵa ósip, qaryshtap kele jat­qany dálel. Innovasııalyq jobalar da júıeli iske asyp, óz nátı­jesin berýde. Táýelsizdikpen birge qanat jaıǵan arý Astanamyz da kúnnen-kúnge ajarlanyp, má­de­nıet pen beıbit­shiliktiń ordasy atandy. Atqa­ry­lyp jatqan ońdy isterde Jambyl oblysy turǵyn­darynyń da qol­tańbasy bar. Tatýlyqty tý etken egemen eldiń aspany ashyq, birligi bekem bol­ǵaı. Uly merekeniń mánin uqqan Táýelsiz elimizdiń baqyty máńgi baıandy bolsyn. Jambyl oblysy, Jambyl aýdany. Sezd rýhy joǵary boldy Aqserik ÁITIMOV, Qazaqstan ınjenerlik jáne  telekommýnıkasııalyq  ýnıversıtetiniń rektory. Sezden birinshi kóńilge túıgenim – onyń joǵary rýhy. Asqaq rýh qandaı bıikterdi de baǵyndyra alady. Partııalas áriptesterimniń boıynan osyn­daı órshil sezim aýanyn baı­qa­dym. Qurǵaq, qyzyl sóz emes, qaı iste de aıqyndyq pen naq­ty­lyq, is-qımyl birligi qajet. Tek sonda ǵana alǵa qoıǵan maq­sattarǵa qol jetkize alamyz. «Nur Otan­nyń» aldaǵy Májilis saılaýyndaǵy kóz­de­gen jospary men us­tanymy qandaı bol­maq? Sezde bul sa­ýaldyń jaýaby da taıǵa tańba basqandaı anyq berildi. Bul rette Elbasy, partııa Tór­aǵasy Nursultan Nazarbaev ulttyq jospardyń belgilengenin aıtyp berdi. Ol «Qazaqstan. 2017-niń maqsattary» degen ataý­ǵa ıe. Ulttyq degen ataýynan kórinip turǵanyndaı, munda birinshi kezekte el aldynda turǵan irgeli má­selelerge nazar aýdarylady degen sóz. Sondaı-aq bul respýblıkany mekendeıtin ózge ult ókilderi memleket quraýshy ulttyń tóńi­re­gine tyǵyz toptasa beredi degen uǵymdy da bildire alady. Bir­tu­tas ulttyq memleketke toptasa túsýdiń arǵy astarynda osyndaı mán bar dep oılaımyn. Ekinshiden, Májilis depý­tat­tary saılaýyna partııa atynan túsetinder arasynda ómirlik tá­ji­rıbesi mol, elge syıly da aby­roıly azamattardyń esimderi ata­lýy – bolashaq Parlament Máji­li­sin salmaqtandyra túsetini anyq. Búginde respýblıkanyń tur­ǵyn-úı-kommýnaldyq sharýa­shy­lyq sala­syn álemdik deńgeıge kóterý má­se­lesi ótkir qoıylyp otyrǵany belgili. Osy oraıda tizimge atalmysh salanyń búge-shigesin jaqsy biletin, kásibı deńgeıleri joǵary atqarýshy organdar jetekshileriniń kirýi de oıymyzdan shyqty. Oral.   Naqty isterge qanat bitiretin partııa Álibek BAIMAǴAMBETOV,  sezd delegeaty, Kókshetaý  qalalyq máslıhatynyń depýtaty. Tuńǵysh Prezıdentimiz, Ult kóshbasshysy Nur­sul­tan Nazarbaev óz sózin: «Bul jolǵy sezdiń Táý­el­sizdiktiń 20 jyldyǵynda ótýiniń nyshandyq máni bar. Biz elimizdi qalyptastyrý jolyndaǵy eki on­jyl­dyqqa sozylǵan eren eńbegimizdiń qorytyn­dy­syn shyǵaryp, ony laıyqty qarsy alýdamyz», dep bastaýy barshamyzdyń júregimizge maqtanysh sezimin quıyp, jigerimizdi tasytty. Ásirese, uzaq jyldar «Nur Otan» HDP qalalyq fılıaly tór­aǵasynyń birinshi orynbasary qyzmetin atqarǵan men úshin El­ba­sy­nyń «Araıly azattyq arqyly qol jetkizgen jetistikterimizdiń bar­sha­syn­da «Nur Otan» partııasynyń súbeli úlesi bar» deýi qanat­tas­taryma berilgen oryndy baǵa, joǵary jaýapkershilik dep bilemin. Sezdiń ón boıynda «Nur Otanǵa» júkteler mindetterdiń budan da salmaqtana túsetini aıqyn baıqalyp turdy. Bul durys ta. Demokratııalyq qozǵalystardyń jolbasshysy bola bilgen prezıdenttik partııa osynaý ustanymdardyń qanat jaıyp, kóppartııalyq ortaq qyzmettiń shynaıy túrde óris alýyna múddeli. Qazaqstanda Parlament pen barlyq deńgeıdegi máslıhattar depýtattarynyń jańa turpatty saılaýyn ótkizý jónindegi bastamanyń qoldaý tabýy da sondyqtan. Partııanyń saılaýaldy tuǵyrnamasynda kúndelikti ómirimiz ben tirshiligimizge qajetti, qoǵam músheleriniń alańsyz bolashaǵyna kepildik beretin naqty nusqalar keńinen maquldandy. Barshamyzda qulshynys paıda boldy. Syndarly saılaýda «Nur Otan» partııasy basym daýys alatynyna kámil senemin. Senetindigim – naqty isterdiń partııasy! Aqmola oblysy.   Irgeli isterge jeteleıdi Aleksandr KÝRLENIа,  «Lad» slavıan mádenıeti  qoǵamynyń tóraǵasy,  oblystyq máslıhattyń depýtaty. El Táýelsizdiginiń mereı­toıy qar­sańynda ótken «Nur Otan» HDP-nyń kezekten tys HIV sezi ma­ǵan úlken áser qal­dyrdy. Par­tııa­nyń saı­laý­al­dy tuǵyrnamasy, Qazaqstan Res­pýb­lıkasynyń Prezıdenti, partııa Tór­aǵasy Nursultan Nazar­baevtyń sóı­legen sózi aldaǵy baǵdarlamany naq­tylap, el bo­lashaǵyn, damý baǵytyn aıqyn­dap berdi. Alda Májilis saı­laýy­­men bir­ge barlyq deńgeı­degi jergilikti máslıhattar saı­laýy ótedi. Endi Ata Zańymyzǵa sáıkes Májilis kem degende eki partııadan turatyn bolady. Munyń ózi demokratııaǵa keń óris berip, saıası dodany qyz­dyra túseri sózsiz. Qazir ózge partııalar da saıası kúreske ázirlikterin ańǵar­typ, shy­naıy básekelestik baı­qa­typ otyr. Olardyń arasynda «Nur Otannyń» is-qımyl baǵ­dar­la­ma­la­ry ár sala­ny keńinen qamtýymen, eń bastysy, adam­dardyń áleý­mettik-turmystyq jaǵ­daılaryn jaqsartýǵa degen naq­ty mindettermen erekshelenedi. Osy merzim ishinde saıası uıym qa­zaq­stan­dyqtardyń bıik senimin ıelenip, kóptegen ister tyndyrǵany bá­rimizdiń kóz al­dymyzda. Álemdik daǵdarys jaǵ­daıynda Úkimetpen qoıan-qoltyq jumys isteı otyryp, 2007 jylǵy saılaýǵa barǵan Ha­lyq­tyq tuǵyrnamany oryndap shyq­ty. Shyn máninde kásibı ja­ǵynan shyńdalyp, bergen ýá­desine beriktigin taǵy bir dálel­dedi. Bul jóninde bıik minberden sóıleýshi­ler de málimdedi. Nurotandyqtar aldynda aý­qymdy mindetter tur. Elbasy Saıası keńes bıýrosynan bastap bastaý­ysh uıymǵa deıin saıası jumys­tar­dyń jańa pishinderin meńgerý qa­jettigin atap kór­setti. Onyń qadaý-qadaý bes mindetin belgilep berdi. Qaı-qaısysy bolsyn nazar aýdarýǵa turatyn ózekti máseleler bolyp tabylady. Jańa tuǵyr­namanyń oryndalýyn partııa­nyń qatań baqylaýynda ustaý, sheshimderdiń júzege asýyn qada­ǵalap otyrý – asa mańyzdy ta­laptardyń biri. Partııanyń 2017 jylǵa deıingi kezeńge arnalǵan Ulttyq is-qımyl baǵdarlamasy nurotandyqtardy irgeli isterge jeteleı bereri anyq. Soltústik Qazaqstan oblysy.   Baǵyt-baǵdarymyz aıqyndaldy Sháripbek Ámirbekov,  Shákárim atyndaǵy Semeı memlekettik ýnıversıtetiniń rektory, saıasattaný ǵylymdarynyń doktory. «Nur Otan» halyqtyq-demo­kratııalyq partııasynyń kezekten tys HIV sezi elimiz úshin shyn máninde tarıhı mańyzy bar saıası oqıǵa boldy. Elbasymyz, partııa Tóraǵasy N.Á.Nazarbaev sez­diń bıik minberinen «Nur Otan» par­tııasynyń 2007 jylǵy saılaý kezinde tý etken Ha­lyq­tyq tuǵyr­namasy merziminen bu­ryn oryn­dalǵanyn málim etip, al­daǵy taǵy bir jaýapty kezeń­niń betin ashty. Sezd halyqtyń turaqty damyp, el ekonomıkasyn odan ári jań­ǵyr­tý baǵyttaryn jan-jaqty aı­qyn­dap berdi. Táý­el­s­izdik merekesi qarsa­ńyn­da ótken partııa sezi bizdi bu­dan da zor tabys-tarǵa jetelep, rý­hanı turǵydan jigerlendire túskeni aqıqat. Jıynda partııanyń aldaǵy bes jylǵa arnalǵan «Qa­zaqstan. 2017-niń maq­sattary. Ulttyq is-qımyl jospary» atty saı­laýal­dy tuǵyrnamasynyń jos­pary men Qazaqstan Res­pýb­lıkasy Par­lamenti Má­­jilisiniń saı­laý­y­na de­pýtattardyń partııalyq tizimi bekitildi. Qabyldanǵan jańa saıası baǵdarlamany egemen elimizdi órkendetýge súbeli úles qosatyn jasampaz jańa qujat dep sanaımyn. О́ıtkeni, jańa parlamenttik merzimge arnalǵan saıası tuǵyrnama – Prezıdent Nursultan Nazarbaev belgilep bergen «2020 Strategııasyn» iske asyrýdyń jarasymdy jalǵasy. 15 qańtardaǵy Parlament Májilisiniń saılaýy bizdiń bola­shaq saıası damýymyzdaǵy jańa kezeńdi bastaıyn dep otyr. Sebebi, aldaǵy saılaýdyń nátıjesi boı­ynsha elimizde kóppartııaly Parlamenttiń negizi qalanady. Alaıda, «Nur Otannyń» aldaǵy ýaqytta da basym partııa retinde óziniń tarıhı mıssııasyn atqara beretini daýsyz.   Jarqyn jetistikterge jeteleıdi Ábdimanap BEKTURǴANOV, I.Jansúgirov atyndaǵy Jetisý memlekettik ýnıversıtetiniń rektory. Astanada «Nur Otan» halyqtyq-demo­kratııalyq partııasynyń HIV sezi ótip, onda «Qazaqstan. 2017-niń maqsattary. Ulttyq is-qımyl jospary» tuǵyrnamasy boıynsha Memleket basshysy, partııa Tóraǵasy Nursultan Nazarbaev baıandama jasady. Onda ótken merzimdegi el damýyna baılanysty atqarylǵan jumystar júıelenip, aldymyzǵa naqty mindetter qoıyldy. Muny sezd delegattary jáne halyqtyń baǵa­laýy­men alyp qaraǵanda, tarıhı sezd deýge bolady. О́ıtkeni, alqaly jıyn táýelsizdigimizdiń 20 jyl­dy­ǵy qarsańynda ótip, halyqtyń birligi men myzǵymas toptasqandyǵyn dáleldedi. О́rkenimiz ósti, óńirler gúldendi. Qaı salada bolsa da qarqyndy damýǵa qol jetkizildi. Sonymen qatar, mereıimizdiń úshinshi onjyl­dy­ǵy­nyń taǵy bir tarıhy bastalǵanyn da Elbasy óz sózinde atap ótti. Taǵy bir aıta ketetin másele, al­da­ǵy jyly ótetin parlamenttik saılaý bolashaqtyń irgesin bekitedi dep baǵamdaldy. Jáne barsha qazaqstandyqtardyń qoldaýyna ıe bolyp, elimizdiń nurly bolashaǵy úshin daýys beretindigine de zor senim bildirildi. Elbasy jyl saıynǵy Joldaýlarynda jas­tarǵa básekege qabiletti bilim berýdi júktep, tildiń úshtuǵyrlylyǵyn damytýdy alǵa qoıdy. Osyǵan baılanysty stýdentterdiń jan-jaqty bilim alýyna múmkindik jasalyp, ýnıversıtet materıaldyq-tehnıkalyq jaǵynan nyǵaıtylýda. Sezge delegat bolyp qatysýmen qatar, onda alǵa qoıǵan mindetterdi júzege asyrý úshin jumysqa tyń serpinmen kiristik. Sezde Parlamenttiń tómengi pa­latasy depýtattyǵyna kandıdattardyń tizimi aı­qyn­daldy. Jetisý óńirinen saılaýǵa túsetin kandıdat­tar halyqtyń tańdaýyna laıyq, eńbegimen tanylǵan, tájirıbeli jandar ekenin de aıta ketken jón. Nurotandyqtar alǵa qoıǵan tyń mindetti oryndaý úshin belsene eńbek etetinine senim mol. Saılaýǵa daıyndyq bastaldy. Saıası naýqan demokratııalyq talaptarǵa saı ótetini anyq. Almaty oblysy.