Aqjaıyqta Májilis depýtattary men barlyq deńgeıdegi máslıhattar saılaýyna ázirlik jumystary jan-jaqty óristeı bastady. Mundaǵy barlyq aýmaqtyq komıssııalar óz mindetterin atqaryp júr. Qazirgi kúni saılaý núktelerin qajetti aqparattyq materıaldarmen qamtý jumystary júrgizilýde. «Nur Otan» HDP-nyń XIV sezinde respýblıka Prezıdenti, partııa Tóraǵasy Nursultan Nazarbaev atap kórsetkendeı, bul saılaýdyń orny bólek, máni men mańyzy aıryqsha.
Endeshe saılaý ýchaskelerinde qyzmet jasaıtyn aýmaqtyq komıssııa múshelerine qoıylatyn talaptar men jaýapkershilikter de joǵary bolmaq. Sondyqtan oblysta birinshi kezekte óte qysqa ýaqyt aralyǵynda olardy oqytyp úıretýge, kezekten tys saılaýdyń basty erekshelikterin uǵyndyrýǵa mán berilgen.
О́ńirde búgingi kúnge deıin saılaýshylar daýys beretin 523 ýchaskeniń shekaralary naqtylandy. Okrýgtik jáne aımaqtyq saılaý komıssııalarynyń tizimderi men olardyń qaıda, qandaı mekenjaıda ornalasqany jergilikti baspasóz betterinde jarııa etildi.
– Oblys boıynsha barlyq deńgeıdegi máslıhattarǵa 200 depýtat saılanbaq.
Onyń 30-y oblystyq, 20-sy qalalyq jáne 150-i aýdandyq máslıhattarǵa depýtat bolyp saılanady. Respýblıka Konstıtýsııasynyń 86-shy baby boıynsha depýtattyqqa usynylatyn úmitkerlerge birqatar talaptar qoıylǵan. Sondyqtan da bul kezeńde osy konstıtýsııalyq talaptardyń saqtalýy eskeriletin bolady, – dedi gazet tilshisine Batys Qazaqstan oblystyq saılaý komıssııasynyń múshesi Ǵılym Qýanyshev.
Temir QUSAIYN,
Batys Qazaqstan oblysy.