Qazaqstanda elektrondyq úkimet portalynda turǵylyqty jeri boıynsha onlaın tirkelý rásimi ózgerdi. Endi bul úshin azamattarǵa 20 mınýt jetkilikti. Sondaı-aq Qazaqstan Respýblıkasynyń Salyq kodeksine engizilgen ózgeristerge sáıkes bıyl qańtar aıynan bastap tirkeýge memlekettik baj alynbaıdy.
Buryn elektrondyq úkimet portaly arqyly tirkelgende 10% AEK kóleminde memlekettik baj tóleý kerek bolatyn. Sosyn «Azamattarǵa arnalǵan úkimet» memlekettik korporasııanyń front-ofısine kelip, jeke kýálik chıpyna tirkeý týraly derekter jazbasyn engizý úshin kóshi-qon qyzmetkerine júginý qajet edi. Al bıylǵy naýryz aıynan bastap portal arqyly turǵylyqty jeri boıynsha tirkelý rásimi aıtarlyqtaı jeńildetildi.
Endi jyljymaıtyn múlik ıesi jáne tirkeletin azamat egov.kz portalynda avtorızasııadan ótkennen keıin, tirkeletin azamat ótinish berip, menshik ıesi óziniń elektrondyq-sıfrlyq qoltańbasymen rastaýy tıis.
О́tinish berilgennen keıin derekter shamamen 10 mınýtta óńdeledi, sodan keıin tirkelgen mekenjaı boıynsha anyqtama alýǵa tapsyrys berýge bolady.
Bul qyzmetke ESQ-sy bar kez-kelgen azamat Qazaqstannyń barlyq aımaqtarynda qol jetkize alady.