«Áıeldi aıala» ulttyq aksııasy ótti

Sonymen 8 naýryz mereke­sinen beri – Áıelderdiń shyǵar­ma­shylyq bastamasy lıgasy men  Prezıdent janyndaǵy Áıel­der isteri jáne otbasylyq-demo­grafııalyq saıasat jónindegi ult­tyq komıssııasy zamanaýı Qazaqstandaǵy áıel róline arnalǵan aqparattyq kampanııasy bastalǵanyn málimdedi. Aqparattyq kampanııaǵa elimiz­diń bedeldi jýrnalısteri, blo­gerleri, qoǵamdyq oıdyń kósh­bas­shy­lary, áıel quqyǵyn qor­ǵaý­shylary birden qoldaý bil­dirdi.

«Áıeldi aıala» aqparattyq kampanııasy memlekettik tildegi ári óner juldyzdary men eli­miz­diń qoǵam jáne mádenıet qaı­ratkerlerin áıelderdiń quqyq­ta­ryn qorǵaý máselesi aıasynda biriktiretin Qazaqstandaǵy al­ǵashqy aqparattyq naýqannyń biri.

«Áıelder men qyzdardyń quqyqtary adam quqyqtarynyń ajyramas, quramdas bóligi bolsa da kóp jaǵdaıda keleńsiz oqıǵalar men tómensitý oryn alyp jatady. Názik jandylarǵa qatysty zorlyq-zombylyq týraly resmı derekter, teńdik pen quqyq máselesi dástúr men əıeldiń qoǵamdaǵy taptaý­ryn róliniń kó­leń­kesinde qa­lyp qoıady», deıdi «Soros-Qazaq­stan» qorynyń Adam qu­qyq­ta­ry jónindegi baǵdar­­­la­ma­sy­nyń úılestirýshisi Aıjan Oshaqbaeva.

«Áıelderdiń quqyqtaryn iske asyrýǵa baılanysty zamanaýı qaýip-qaterler men máse­leler beı­resmı, ashyq pikir­talas alań­darynda, forýmdarda, mem­le­ket­­pen dıalog barysynda tal­qy­la­nyp, múmkindiginshe qo­ǵam­nyń túr­li salasynyń na­za­ryn aýdarýy tıis. Bizdiń aq­pa­rattyq kampa­nııa áıelderdiń qu­qyq­taryn qorǵaý salasyndaǵy ashyq jáne kóp qyrly dıalogtyń bas­taýy bolady degen úmittemin», deı­di Áıelder shyǵarmashylyq bas­tamasy lıgasynyń prezıdenti Asııa Haırýllına.

Endigi jerde kelesi jylǵa jal­ǵasatyn aqparattyq kampa­nııa sheńberinde áıelder men qyzdar úshin teń múmkindikter, zorlyq-zombylyqtyń aldyn alý, áleýmettik jáne saıası bel­­sendi áıelderdiń jetis­tik­terin nasıhattaý jaıly beı­ne­materıaldar daıyn­dal­maq. Sondaı-aq ártúrli sa­rap­ta­ma­lyq kezdesýler men pi­kir­ta­las­tar, taqyryptyq fılm­der kórsetilimi, zamanaýı óner kór­meleri ótkiziledi dep josparlanýda.

Uıymdastyrýshylar bas­tamaǵa qýana qosylǵan tele­júr­gizýshiler Dana Nurjigit pen Láılá Sultanqyzyna, ánshi Aq­marjan Kóshirbaevaǵa, Bahyt Shadaeva men Jeńis Ys­qaqovaǵa, jýrnalıst Aına Dos­muhamedqyzyna, Aqjeleń Isa­baevaǵa, Arýna Ámzeevaǵa, ak­ter Shárip Serikke, Ásel Saǵa­to­vaǵa osy áleýmettik jobany qol­da­ǵany úshin alǵys bildirýde.

Aınash ESALI,

«Egemen Qazaqstan»

ALMATY