Ál-Farabı atyndaǵy Qazaq ulttyq ýnıversıtetiniń ujymy Shyǵys Qazaqstan oblysyndaǵy sý tasqynynan zardap shekkenderge qarjylaı kómek kórsetti.
QazUÝ ǵalymdary men oqytýshylary sý tasqyny kezinde qıyn jaǵdaıǵa tap bolǵan jandarǵa kómek kórsetý úshin bir kúndik jalaqylaryn aýdarý jónindegi joǵary oqý orny basshylyǵy men kásipodaq komıtetiniń usynysyn biraýyzdan qoldady.
«Biz kúndelikti jańalyqtardan apat saldarynyń qalaı joıylyp jatqanyn kórip otyrmyz, óńir turǵyndary úlken qıynshylyqqa tap boldy. Adamdar baspanasyz qaldy, múlikterinen aıyryldy. Osyndaı qıyn tusta el bolyp qoldaý tanytýǵa tıispiz», dep atap ótti fılosofııa jáne saıasattaný fakýltetiniń dekany Álııa Masalımova.
Ýnıversıtettiń barsha qyzmetkerleri, bólimderi bul sharadan tys qalǵan joq. Materıaldyq kómek arnaıy qarajat esebine aýdaryldy, qarajat jınaý jumysy odan ári jalǵastyrylady.
«Biz zardap shekkenderden alystamyz, alaıda osy jınalǵan qarajat olarǵa qandaı da bir járdem bolar dep úmittenemiz. Sý tasqynynan zardap shekken aýdandarda bizdiń keıbir oqytýshylarymyzdyń týysqandary men tanystary turady», dedi jýrnalıstıka fakýltetiniń dosenti Marlan Negizbaeva.
Arman OKTIаBR, «Egemen Qazaqstan»
ALMATY