Munaı-gaz qoryn tolyqtyrý – geologter úshin mańyzdy mindet

Jıynǵa «О́zenmunaıgaz», «Embi­munaıgaz», «Qarajan­bas­munaı» aksıonerlik qoǵamdary, «QazGerMunaı» birlesken kásip­orny», «Karpovskıı Sever­nyı», «Ýral Oıl end Gaz», «Sý óndirý jáne tasymal­daý», «Qazaq gaz óńdeý zaýyty», «О́zen­munaı­servıs» jaýap­ker­shiligi shekteýli seriktestikteriniń geolog-mamandary qatysyp, jerdiń qyrtysy jáne ishki qabattary, olardyń quramy, qurylysy, qozǵalysy, damý tarıhy, ornalasý zańdylyqtary týraly baıandamalary men slaıdtaryn usynyp, qyzý talqylady. Olar ózderiniń aldynda ken oryndaryn óńdeý, baıytý sııaqty kúr­deli mindetter turǵandyǵyna toq­talyp ótti. Jıynǵa geologııa sala­synyń damýyna, joǵary deń­geıge kóterilýine ter tókken arda­ger-geologter de qatysyp, ózderi­niń baı tájirıbelerimen bólisti.

Keńestik kezeńde geolog dese, kóz aldymyzǵa balǵa men jol­dor­ba ustaǵan mamandar elesteı­tin. Qazirgi geologter – zamanaýı kompıýterlik jáne ǵaryshtyq tehnologııalarmen jabdyqtalǵan kásip ıesi. Jıynda sóz alǵan «QazMunaıGaz» BО́» AQ óndiris jáne ken oryndaryn ıgerý jónin­degi basqarýshy dırek­tor Qýanyshbaı Nurǵalıev sala ma­man­daryna arnalǵan «QazMunaıGaz» BО́» AQ bas dırektory Qurmanǵazy Esqazıevtiń arna­ıy quttyqtaý tilegin jetkizdi. 

«Qurmetti áriptester, kásibı mereke qutty bolsyn. Sizderge zor densaýlyq, baıandy baqyt, eńbekterińizge jemis tileımin. О́tken jyly geologter kúnin qazaq munaıynyń qarashańy­raǵy  «Embi­munaıgazda» saltanat­ty atap óttik. Mine, bıyl dástúr­di ja­l­ǵas­tyryp, geologter kúnin «О́zen­munaıgazda» atap ótip otyrmyz. 

Bir ǵasyrdan astam tarıhy bar munaı-gaz sektory – búginde strategııalyq salanyń biri. Sonyń ishinde munaı qoryn ulǵaıtý, jańa ken kózderin tabý, sony­men qatar elimizdegi eski ken oryn­daryn qaıta jandandyrý baǵytyndaǵy jumystar munaı­shy geologterge úlken senim, aýyr júk artady.   Sizder jer qoınaýyn barlaý, munaı-gaz qorlaryn kóbeıtý, jańa ken oryndaryn ıgerý, óndiris kólemin arttyrý sııaqty jaýapty mindetterdi abyroıly atqaryp otyrsyzdar. Sala maman­daryna júktelgen jaýap­kershilik júgi aýyr, salmaqty. 

Sizder mamandyqqa adal­dyq degen qaǵıdany berik usta­nyp, bul baǵyttaǵy jumystar­dy tabysty atqarýǵa kúsh salyp kelesizder. О́nim kólemin ulǵaıtý­daǵy izde­nister, tıim­di geo­logııalyq-teh­nı­kalyq shara­lar, óndiriske engi­zilip jatqan jańalyqtar óz nátı­jesin berip otyr. Kompanııa ón­­diris­tik qyzmetinde jetken je­tis­tik­terde árqaısyńyzdyń úl­ken úlesińiz bar. Sizderdiń qajyr­ly qyzmetterińiz úshin bas dırektor Qurmanǵazy Oryn­ǵazyulynyń atynan jáne óz atymnan zor alǵysymdy bil­diremin. Aldaǵy ýaqytta da joǵa­­ry jetistikterge jete beri­ńiz­­der», dedi Q.Nurǵalıev.  Kásibı merekege oraı eńbegi­men elengen munaıshy geologter Qurmet gramotalary jáne Alǵys hattarmen marapattaldy. 

Rasbergen Mahmudov, 

«QazMunaıgaz»Barlaý О́ndirý» AQ Geologııa jáne ken oryndaryn ıgerý departamenti dırektorynyń orynbasary:

– Bıylǵy jyly kásibı mere­kege baılanysty «QazMunaıGaz»Barlaý О́ndirý» ak­sıo­nerlik qoǵamyna qarasty mekemelerdiń geologter qaýymy Kaspıı teńizi jaǵasynda orna­las­qan «Kendirli» mekeninde bas qosyp semınar ótkizdi. 2017 jyly oryndalǵan jumys baǵdar-lamasyna taldaý jasalyp, qol jetken jetistikterdi ortaǵa salyp, aldaǵy bolashaqta jasalatyn josparlar aıqyndaldy. Munaı-gaz salasynda geologter kóptegen baǵyttarda qyz­met at­qarady. Olar munaı-gaz qorlaryn izdestirý, barlaýdan bastap, munaı men gaz kenishterin ıgerý, óndirý prosesinde munaı-gaz qorlaryn tolyqtyrý jáne eń sońǵy kezeńde munaı-gaz qorlary taýsylǵan kezde kenishterdi joıý jumystaryna qatysady. 

Munaı-gaz qorlaryn tolyq­tyrý geologter úshin mańyzdy mindet. Osy kórsetkishte 2017 jyly «О́zenmunaıgaz» AQ geo­logteri tabysqa qol jetki­zip, О́zen-Qaramandybas kenish­terindegi munaı qoryn 6,8 mln tonnaǵa ósirdi. Bul kórsetkish bir jyldyq munaı óndirý kóleminen asyp tústi. «Embimunaıgaz» AQ geologteri de aıtarlyqtaı jaq­sy tabystarǵa jetti. Munaı-gaz qorlaryn tolyqtyrý 2,9 mln tonnadan asty. Bul kórsetkishte «Embimunaıgaz» AQ bir jyldyq munaı óndirý kóleminen asyp tústi. «Kendirlide» ótken semınarda kóptegen geologter qol jetkizgen tabystary úshin Alǵys hattar jáne Qurmet gramotalarymen marapattaldy.

Bolashaqta alda turǵan mindetterdiń biri – júrgizilgen úsh ólshemdi seısmıkalyq bar­laý jumystarynyń nátı­jesinde О́zen-Qaramandybas aımaǵynda jáne Qaraton tuz asty qurylymynda 6000 metr tereńdikke paleozoı qaba­ty­na uńǵymalar burǵylaý jumys­taryn sátti iske asyrý jáne «О́zenmunaıgaz» AQ pen «Embimunaıgaz» AQ munaı-gaz qor­laryn eselep tolyqtyrý. 

Barlyq áriptesterime aldaǵy ýaqytta da joǵary jetistikter tileımin. 

Aınagúl Mustajanova, 

«Embimunaıgaz» AQ «Qaı­nar­mu­naıgaz» MGО́B Kenbaı mu­­naı jáne gaz óndirý sehynyń geologi:

– «О́zenmunaıgaz» AQ-ta geologter kúni jaqsy ótti, uıymdastyrýy, qarsy alýy bári bizge unady. О́tken jyly «Embimunaıgazda» ótkende olar Atyraýǵa kelgen bolatyn. Jıyn barysynda geologııa salasyndaǵy búgingi jetistikter men aldaǵy josparlar sóz boldy. Marapattalǵandar da kóp boldy, sonyń ishinde ózim de «QazMunaıGaz» BО́» AQ-tyń Qurmet gramotasyn ıelendim. Áriptesterimmen ózara pikir almasyp, jer kórip ári marapat alyp marqaıyp qaıttyq. Mereke qutty bolsyn!

Jeńis Baǵytov,  «Embimunaıgaz» AQ «Jyly­oı­munaıgaz» MGО́B Prorva ken ornyn ıgerý tobynyń ónidiristik basqarmasynyń geologi:

– О́zende geologterdiń bas-qosýy jaqsy ótti. Jer asty qoı­naýyn barlap, munaıdy taba­tyn geologter. Sol baǵytta kóp­tegen alǵys, jyly lebizder aı­tyldy. Ási­rese A.Sahıev, A.О́te­sinov syn­dy eńbek ardagerleri­niń «munaı­dyń kóp bolýy geolo­g­terge de baılanysty. Kóp oqyp, kóp izdenińder. Qazirgi talap bas­qa. Jańa tehnologııalardy ón­di­­riske engizý kerek. Soǵan oraı izde­nýden talmańyzdar» dep aıt­qan ósıetteri kóńilge qony­m­dy. Sol baǵytta eńbek etip kele­miz. «QazMunaıGaz» BО́» AQ-tyń Alǵys hatyn alǵanym meni qa­nat­tandyrǵany da ras. Geo­log­terdiń eńbegi árdaıym elene bersin! 

Gúlaıym ShYNTEMIRQYZY, «Egemen Qazaqstan»