Elbasymyz Qazaqstan Respýblıkasy Parlamenti palatalarynyń birikken otyrysynda bes bastamany alǵa tartty. Atalmysh bes bastamanyń barlyǵy da qarapaıym halyqqa ıaǵnı áleýmettik salaǵa baǵyttalǵan.
Eger onda kórsetilgen jumystar ýaqtyly jáne tolyqtaı júrgizilse, Otanymyzda oń ózgerister kóp bolmaq. Mysaly, qazir halyqtyń basym bóligi memleketten tegin baspana alýǵa kezekte tur. Meniń oıymsha, qol qýsyryp kútip otyrǵansha, halyqtyń óz betinshe áreket etýin jetildirý qajet. Osylaısha, Prezıdentimiz atap ótken «7 – 20 – 25» baǵdarlamasy búkil elge qajetti bastama dep bilemin. Álemdegi kez kelgen elde óz azamattaryn turǵyn úımen qamtamasyz etýge arnalǵan mundaı baǵdarlama men jeńildikter qarastyrylmaǵan.
Qazaqstan – jas memleket retinde árbir azamaty úshin qoldan kelgen jaqsylyǵyn jasap, basqa qatarlas, kórshiles memlekettermen salystyrǵanda, oq boıy ozyq shyǵyp otyr.
Álemdik statıstıkaǵa kóz júgirtsek, óz rezıdentterine arnalǵan ıpoteka boıynsha eń tómengi mólsherleme Japonııa, Shveısarııa, Fınlıandııa, Germanııa, Lıýksembýrg syndy kóptegen damyǵan elderdiń tájirıbesinde kezdesedi. Bul memleketterde turǵyn úıdiń baǵasy qymbat bolǵandyqtan, ony satyp alý halyqqa qıyndyq týǵyzady. Osyǵan qaramastan, ıpotekalyq kredıt alýǵa tómengi paıyzdyq mólsherlemeler men tóleýdiń uzaq merzimderi bekitilgen.
Meniń pikirimshe, bizdiń Úkimet te joǵaryda atalǵan memleketterdiń tájirıbesin basty nazarda ustap, elimizdiń qazirgi ekonomıkalyq jaǵdaıyna oraı halyqqa qolaıly sharttardy usynýǵa tyrysyp otyr. Árıne el azamaty retinde, meni joǵary laýazymdaǵy tulǵalardyń qarapaıym halyqtyń jaǵdaıyn oılaýy jáne olardyń ómirin jaqsartýǵa talpynǵandyǵy bek qýantady. Jaqyn arada turǵyn úımen qamtylǵan baqytty otbasylardyń sany birneshe ese ósedi dep úmittenemin.
Jámılá MEŃDIBAIQYZY, «Kúmis alqa» ıegeri
Mańǵystaý oblysy