Kásipodaqtar federasııasy Elbasy N.Á.Nazarbaevtyń «Prezıdenttiń bes áleýmettik bastamasy» atty halyqqa úndeýiniń negizgi erejelerin túsindirý aıasynda Qazaqstan boıynsha qoǵamdyq-saıası mańyzy bar keshendi is-sharalardy ótkizýde.
6 sáýirde Qostanaı qalasynda Qazaqstan Respýblıkasy Kásipodaqtar federasııasynyń uıymdastyrýymen «Bes áleýmettik bastama. Áleýmettik ınnovasııalar. Keleshek kelbeti» Forýmynyń ashylýy ótti.
I.Omarov atyndaǵy Qostanaı oblystyq qazaq drama teatrynyń zalynda ótken jıynǵa Qostanaı oblysy boıynsha bastaýysh kásipodaq uıymdarynyń 260 basshylary men ókilderi jınaldy.
Sondaı-aq, Forýmǵa QR Parlamenti depýtattary, QR Eńbek jáne halyqty áleýmettik qorǵaý mınıstrliginiń jáne «Atameken» Ulttyq palatasynyń ókilderi qatysty.
Forým bastalmastan buryn teatr hollynda «Profsoyuz.kz» kórmesi uıymdastyryldy. Kórme «Áleýmettik», «Quqyqtyq qorǵaý», «Oqý ortalyǵy», «Densaýlyq jáne týrızm» jáne «Kásipodaqtyń dıskont-seriktesteri» dep atalatyn 5 negizgi bólimnen turdy.
Jıynda sóılegen Kásipodaqtar federasııasynyń Tóraǵasy Baqytjan Ábdiraıym Elbasynyń 5 bastamasyn jan-jaqty saralady. Sondaı-aq, kásipodaqtardyń ókilderi jumysshylarǵa Elbasynyń bastamalary týraly durys aqparatty jetkizýi tıis ekendigin atap ótti.
Baqytjan Ábdiraıym QR Kásipodaqtar federasııasy bastaýysh kásipodaq uıymdaryna erekshe nazar aýdaratyndyǵyn jetkizdi. Sebebi, bastaýysh kásipodaq uıymdary adamdarmen tyǵyz jumys atqarady, demek, jumysshylardyń máseleli suraqtary, áleýmettik-eńbek qatynastary bastaýysh uıymdardan bastaý alady.
«Biz bastaýysh kásipodaq uıymdaryna barýǵa nıettimiz, sebebi, Federasııa men bastaýysh uıymdar arasynda eshqandaı deldal bolýy tıis emes. Federasııa bastaýysh kásipodaq uıymdarynyń qandaı da bir máseleni sheshetin derbes úni bolǵanyn qalaıdy. Ulttyq pikir almasý aıasynda ózara baılanystyń damýyna erekshe nazar aýdaramyz jáne bastaýysh uıymdardyń belsendiligin yntalandyrý úshin jumystar atqarylady. Olardyń quqyqtyq mártebesinen bastap, atqaratyn jumystaryna deıin nazarǵa alynady» - dedi Kásipodaqtar federasııasynyń Tóraǵasy.
Sonymen qatar bastaýysh uıymdar óz jumysyn jandandyrýy jáne dástúrli qyzmetiniń aıasyn keńeıtýi tıis. Búginde kásipodaqtar álemniń damyǵan 30 elinde qabyldanǵan «О́mir súrý sapasy» atty kórsetkishti kásipodaqtarǵa engizýi qajet.
О́mir súrý sapasynyń belgileri jumys jáne demalys ýaqytynyń qalypty uzaqtyǵy, qaýipsiz eńbek sharttarynyń ári qaraı damýy, genderlik tepe-teńdik jáne basqa da bazalyq túsinikterden turady.
Federasııa Tóraǵasy eńbek qaýipsizdigi jáne eńbekti qorǵaý, QjEQ jónindegi óndiristik keńesterdi qurý boıynsha jumystardy ózektendirý, Ujymdyq sharttardyń sanyn arttyrý jáne sapasyn jaqsartý, jastardy kásipodaq qataryna tartý máselelerine kóńil aýdarýǵa shaqyrdy.
Forým aıasynda QR Kásipodaqtar federasııasy men Qostanaı oblysy ákimdigi arasynda Eńbek qaýipsizdigi men eńbekti qorǵaý jáne óńirde áleýmettik-eńbek daýlarynyń aldyn-alý máseleleri boıynsha memorandýmǵa qol qoıý rásimi ótti. Qujatqa Kásipodaqtar federasııasynyń Tóraǵasy Baqytjan Ábdiraıym men Qostanaı oblysynyń ákimi Arhımed Muhambetov qol qoıdy.
Qostanaı oblysynyń bastaýysh kásipodaq uıymdary 5 áleýmettik bastamany tıimdi júzege asyrý máselelerin talqylady.
Osy is-sharada «Atameken» QR Ulttyq kásipkerler palatasynyń ókilderi, «SSKО́B» AQ, Qostanaı oblystyq kópsalaly aýrýhananyń, Qostanaı qalasy ákimdiginiń aýyl sharýashylyǵy bóliminiń, Qostanaı memlekettik ýnıversıtetiniń bastaýysh kásipodaq uıymdarynyń tóraǵalary sóz sóıledi.
Forýmnyń birinshi bóliminiń qorytyndysynda kásipodaq aktıvi men áleýmettik áriptesterge alǵys hattar jáne marapattar tapsyryldy.
Kúnniń ekinshi jartysynda QR zamanaýı áleýmettik saıasat, kásipodaqtardyń 2018-2019 jyldarǵa arnalǵan jańǵyrý Jol kartasyn júzege asyrýda bastaýysh kásipodaq uıymdarynyń róli, bastaýysh kásipodaq uıymdarynyń qoǵammen baılanysy taqyrybynda pikir almasýlar ótti.
Sondaı-aq, halyqty jumyspen qamtýdy retteý salasyndaǵy memlekettik baǵdarlamalar jáne qoǵamdyq uıymnyń resýrstaryn tıimdi basqarýǵa qatysty taqyryptar talqylandy.
Kásipodaqtar federasııasy keleshekte Qazaqstannyń barlyq óńirlerinde bastaýysh kásipodaq uıymdarynyń Forýmyn ótkizýge nıetti.