Qazaqstan jáne Avstrııanyń Turaqty О́kildikteri Venadaǵy Turaqty О́kilderdiń, halyqaralyq uıymdardyń basshylyǵynyń jáne sarapshylyq qaýymdastyqtyń qatysýymen semınar ótkizdi.
2018 jylǵy 23 sáýir – 4 mamyr aralyǵynda Jeneva qalasynda ótetin Iаdrolyq qarýdy taraptaý týraly shartynyń (budan ári – IаQTSh) 2020 jylǵy Sholý konferensııasyna Daıyndyq komıtetiniń ekinshi otyrysyna daıyndyq maqsatynda Qazaqstan Respýblıkasynyń Venadaǵy halyqaralyq uıymdar janyndaǵy Turaqty О́kildigi Avstrııanyń Turaqty О́kildigimen birlesip BUU Venadaǵy bólimshesinde IаQTSh sholý sıkli máselelerine arnalǵan semınar uıymdastyrdy.
Belgili halyqaralyq sarapshy, Iаdrolyq synaqtarǵa jappaı tyıym salý sharty Uıymynyń (IаSJTShU) konsýltanty, Atom energııasy jónindegi halyqaralyq agenttik (AEHA) Bas dırektorynyń buryńǵy arnaıy keńesshisi Taryq Raýf negizgi baıandamashylardyń bireýi bolyp semınardyń júrgizýshisi retinde qatysty. Sondaı-aq, IаQTSh Sholý konferensııasyna Daıyndyq komıtetiniń ekinshi otyrysynyń tóraǵasy Adam Býgaıskı baıandama jasady.
Aýstrııanyń, Argentınanyń, Mysyrdyń, Eýropa odaǵynyń, Qazaqstannyń, Meksıkanyń, Nıderlandtyń, Reseıdiń, Fransııanyń Shveısarııanyń, Japonııanyń turaqty ókilderi jáne AEHA men IаSJTShU joǵary qyzmettegi ókilderi semınardyń baıandamashylar retinde qatysty. Talqylanǵan máseleler qatarynda ıadrolyq qarýsyzdaný jáne ıadrolyq qarýdy taratpaý, beıbit maqsatta atom energııasyn paıdalaný, ıadrolyq qaýipsizdikti qamtamasyz etý, Irannyń ıadrolyq baǵdarlamasy boıynsha Birlesken Keshendi is-qımyl josparyn júzege asyrý perspektıvalary, Taıaý Shyǵystaǵy jappaı qyryp-joıý qarýynan bosatylǵan aımaqty qurý, sondaı-aq Koreı túbeginiń ıadrolyq qarýsyzdaný múmkindigi boldy.
О́z sózinde Qaırat Sarybaı Qazaqstannyń jahandyq ıadrolyq qarýsyzdaný men taratpaý rejımin kúsheıtýine baǵyttalǵan úlesin, Qazaqstan Prezıdenti Nursultan Nazarbaevtyń mańyzdy bastamalaryn, sonyń ishinde Semeı synaq polıgonyn jabylýyn, Ortalyq Azııada ıadrolyq qarýsyz aýmaǵyn qurýyn, BUU Bas Assambleıasynyń Iаdrolyq qarýsyz álemge jetý boıynsha jalpyǵa birdeı deklarasııasy týraly qararyn qabyldaýyn, «ATOM» jobasyn, Manıfest «Álem. XXI ǵasyr», QR-da AEHA Tómen baıytylǵan ýran bankin qurýyn jáne ú.j. 18 qańtardaǵy Elbasynyń BUU Qaýipsizdik Keńesiniń tóraǵasy retinde jappaı joıý qarýyn taratpaý jáne senim sharalaryn kúsheıtý máseleleri boıynsha taqyryptyq brıfıng nátıjesinde baıandamasyn atap ótti.
Qazaqstan men Avstrııa uıymdastyrǵan semınar Venadaǵy dıplomatııalyq qoǵamdastyq pen halyqaralyq uıymdardyń nazaryn keńinen tartty. Qyzý jáne qyzyqty pikirtalas barysynda qatysýshylar ıadrolyq qarýsyzdaný, taratpaý jáne atom energııasyn beıbit maqsatta paıdalaný ózekti máseleleri boıynsha pikir almasty, Daıyndyq komıteti jáne aldaǵy 2020 IаQTSh Sholý konferensııasynyń aldaǵy otyrystar jaıynda boljal jáne IаQTSh Sholý sıklynyń bolashaǵy týraly baǵalaýlar men boljamdar bildirdi.
Jalpy alǵanda, ótken semınar aǵymdaǵy jyly BUU-nyń Vena alańyndaǵy negizgi ýaqıǵalardyń biri bolyp tabyldy.
IаQTSh-na 1968 jyly qol qoıylyp, 1970 jyly kúshine enip, 1995 jyly belgisiz merzimge uzartyldy. Shart ıadrolyq taratpaý jahandyq rejıminiń irgetasy sanalyp, ıadrolyq qarýsyzdanýǵa jetý jolyndaǵy mańyzdy negiz bolyp tabylady. IаQTSh-nyń Sholý konferensııalary BUU-nyń Nıý-Iorktegi shtab-páterinde bes jylda bir ret ótkiziledi, kelesi konferensııa 2020 jyly ótkiziledi. Sholý konferensııasy aldynda Daıyndyq komıtetiniń otyrysy ótedi. Kelesi otyrys 23 sáýir - 4 mamyr aralyǵynda Jenevada ótkiziledi.