Májilis depýtaty Albert Raý «SaryArqaAvtoProm» zaýytyndaǵy Korporatıvtik ýnıversıtetke shaqyrylǵan birinshi lektor boldy. Bul ýnıversıtettiń ashylǵanyna áli jyl tolǵan joq. Sonda da jumys deńgeıi joǵarylap keledi. Elimizdegi belgili qaıratkerler onyń spıkerleri bolady.
«Bolashaqta bizdiń ınjener-túlekter jumys berýshiniń oıynan shyǵatyndaı bolýy kerek. Men Rýdnyı ındýstrıaldy ınstıtýty men «SaryArqa AvtoProm» zaýytynyń yntymaqtasa jumys isteýine kúsh salǵan edim, onyń nátıjesin búgin kórip otyrsyzdar – stýdentter óndiriste úırenip júr» dedi Albert Raý.
Sonymen qatar Májis depýtaty álemdegi ekonomıka Indýstrııa 4.0 jolymen damyp bara jatqanyn aıtty. Sondyqtan Elbasy óziniń Joldaýynda osy máseleni aıyryqsha mindet etip qoıdy. Ekonomıka damýynda bastan keshiretin táýekelder de, qıynshylyqtar da bolmaı qalmaıdy. Sondyqtan tezdetip ekonomıkanyń barlyq salasyn sıfrlandyrýdy da engizý ýaqyt talabyna aınaldy.
– Biz Indýstrııa 4.0 tek óndirispen ǵana baılanysty dep oılaımyz. Joq olaı bolmaıdy, ol barlyq salada qoldanylýy tıis. Ol ınfraqurylymdarda, elektrondy úkimet jasaýda, kadrlar daıarlaýda da belsendi paıdalanylýy kerek. 2022 jylǵa qaraı Qazqstan turǵyndarynyń 82 paıyzy ınternetti qoldanatyn bolady, – dedi Albert Pavlovıch.
Názıra Járimbet,
«Egemen Qazqstan»
Qostanaı