Bas prokýratýra mıllıardtaǵan qarjy urlady degen kúdikpen «Samsung Electronics» kompanııasynyń burynǵy qyzmetkerin AQSh-tan Qazaqstanǵa qaıtarý boıynsha sharalar qabyldady. Bul týraly Bas prokýratýranyń baspasóz qyzmeti habarlady.
Atalǵan kompanııanyń burynǵy qyzmetkeri T.J. Naýryzbaevty elgen qaıtarý Qazaqstan Respýblıkasynyń Bas prokýratýrasy men AQSh Ádilet departamentiniń Tergeý federaldy bıýrosy arasyndaǵy yntymaqtastyǵynyń nátıjesinde múmkin boldy. T.J.Naýryzbaev 4 mln. astam dollardy qoldy qylǵan.
Taraptardyń úılesimdi jumysynyń arqasynda jábirlenýshi kompanııaǵa qarajatynyń kóp bóligi (2,7 mln AQSh dollar) óndirildi.
О́tken jyldyń sońynda Naýryzbaev Qazaqstanǵa AQSh-tan deportasııalandy.
Ol bıylǵy jyldyń aqpan aıynda Medeý aýdandyq sottyń úkimimen Qylmystyq kodekstiń 190-babynyń 4-bóligi 2-tarmaǵymen kináli dep tanylyp, 5 jylǵa bas bostandyǵynan aıyryldy.