О́skemendegi Sársen Amanjolov atyndaǵy Shyǵys Qazaqstan memlekettik ýnıversıtetiniń «Máńgilik el» zalynda «Rýhanı jańǵyrý» baǵdarlamasy aıasynda jaryq kórgen alǵashqy 14 monografııanyń tusaýkeser rásimi ótti.
Sharanyń ashylý saltanatynda sóz alǵan atalǵan oqý ornynyń rektory Muhtar Tólegen Elbasynyń «Rýhanı jańǵyrý» baǵdarlamasy sheńberinde ýnıversıtet ǵalymdary bes jyldyń kóleminde «100 monografııa» serııasyn shyǵarýdy qolǵa alǵanyn atap ótti.
«Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqalasynyń jaryq kórgenine týra bir jyl toldy. Bir jyldyń ishinde S.Amanjolov atyndaǵy Shyǵys Qazaqstan memlekettik ýnıversıteti oblys ákimdigimen birlese otyryp kóptegen jumystar atqardy. Keshendi baǵdarlamanyń bir jyldyǵyna oraı istelgen jumystardyń esebi retinde 14 monografııalyq eńbektiń tusaýyn kesip otyrmyz», - degen ýnıversıtet basshysy bıyl taǵy da 15 monografııa jaryqqa shyǵatynyn jetkizdi.
Sharaǵa oblystyq ishki saıasat basqarmasynyń basshysy Nellı Krasnobaeva da qatysyp, jańa oqýlyqtar men monografııalar stýdentterdiń bilimin odan ári jetildire túsetinine senim bildirip, bul eńbekterdiń barlyǵy oqý úrdisinde paıdalanylýy kerektigin tilge tıek etti.
Azamat QASYM,
«Egemen Qazaqstan»
О́SKEMEN
Sýretti túsirgen Tileýbek ShAIаHMET