Ońtústik Qazaqstan oblysynyń ákimi Janseıit Túımebaev Halyqaralyq Túrki akademııasynyń prezıdenti Darhan Qydyráli bastaǵan ǵalymdar tobymen kezdesti, dep habarlaıdy QazAqparat.
Túrkolog ǵalymdarmen keńesý barysynda tizimge enbeı, eskerýsiz qalǵan tarıhı oryndarǵa arheologııalyq qazba jumystaryn júrgizý jaıy sóz boldy. О́z kezeginde Darhan Qydyráli Tóle bı aýdanyndaǵy Esim hannyń ordasy bolǵan tarıhı mańyzy bar jerdi memlekettik deńgeıde qorǵaýǵa alyp, arheologııalyq zertteý jumystaryn júrgizýdi usyndy. Muny qoldaǵan aımaq basshysy, ǵalymdar tobyn tartyp atalǵan nysanǵa zertteý jumystaryn júrgizýge bastamashy bolatynyn aıtty.
Basqosýda Elbasynyń «Bolashaqqa baǵdar: Rýhanı jańǵyrý» maqalasynda aıtylǵan mindetterdi iske asyrý jaıy talqylandy. Jıyn barysynda óńir basshysy ǵalymdardy oblys aýmaǵyndaǵy mańyzdy tarıhı nysandar týraly maǵlumat jınastyryp, arnaıy serııamen kitap shyǵarýǵa atsalysýǵa shaqyrdy.
«О́zderińiz bilesizder, ońtústik óńiri tarıhqa baı ólke. Áli de zertteýdi qajet etetin dúnıeler, zerttelgeninen kóp. Sondyqtan osyǵan mán berýimiz kerek. Oblystaǵy barsha tarıhı jáne mádenı jerlerdiń tizimin jasap, olar týraly málimetterdi jınaqtap, kitaptar serııasyn shyǵarýdy jandandyrý kerek dep oılaımyn. Mine, osy isti qarqynmen atqarýǵa shaqyramyn», - dedi Janseıit Túımebaev.
Sondaı-aq, ataqty túrkologtardyń basyn qosatyn keleli keńestiń birin Ońtústikte uıymdastyrý máselesi de qozǵaldy.