Mamyr aıynda shýaqty ári jyly aýa raıy kúrt ózgerip otyrady, kún sýytyp, jańbyr jaýady. Aldaǵy demalys kúnderi Qazaqstannyń kóptegen oblystarynda atmosferalyq aǵyndardyń ótýine baılanysty jańbyrly, naızaǵaıly, bultty kún raıy kútiledi, dep habarlaıdy «Qazgıdromet» RMK.
Atap aıtqanda, respýblıkanyń ońtústigi men ońtústik-shyǵysynda ystyq aýa raıynan keıin jańbyr jaýyp, keı jerlerde ekpindi jel soǵady. Naızaǵaı oınaýy yqtımal. Aýa temperatýrasy tómendegenimen klımattyq norma sheginde bolady. Al soltústik, ortalyq jáne shyǵys óńirlerdiń keı jerlerinde 2 gradýsqa deıin sýytady.