Jyl basynan beri Aqtaý qalasy aýmaǵynda 24 órt oqıǵasy tirkelse, sonyń ishinde turǵyn sektorda 6 órt oqıǵasy bolǵan. 2017 jyldyń tórt aıynda turǵyn úı sektorlarynda 8 órt oqıǵasy tirkelgen, 33% azaıǵan.
Osy jyldyń 14 mamyr kúni Aqtaý qalasy Tótenshe jaǵdaılar basqarmasynyń ınjenerlik quramy jergilikti polısııa qyzmetkerlerimen birlese otyryp, Aqtaý qalasy 3 shaǵyn aýdanynyń turǵyndaryna, turǵyn sektorlardaǵy órtti, órt saldarynan qaza bolatyn adam shyǵynyn boldyrmaý maqsatynda, sonymen qatar adam densaýlyǵyna jáne ómirine qaýiptiń aldyn alý maqsatynda, buqaralyq aqparat quraldaryn tarta otyryp, prafılaktıkalyq úgit-nasıhat jumystaryn júrgizdi. Basqarma qyzmetkerilerimen 100-ge jýyq qala turǵyndaryna nusqama júrgizilip, órt qaýipsizdigi týraly 127 jadynama taratyldy.
- О́rtti taldaý nátıjeleri kórsetkendeı, órttiń negizgi shyǵý sebepteri kelesideı: birinshiden, otty abaısyzda qoldaný, ekinshiden, úı jaǵdaıyndaǵy turmystyq elektr jáne gaz qoldaný qurylǵylaryn paıdalanǵanda órt qaýipsizdik erejeleriniń saqtalmaýy, úshinshiden, toq symdarynyń qysqasha tuıyqtalýy men balalardyń otpen oınaýy.
Turǵyndar arasynda júrgizilip jatqan úgit-nasıhat, túsindirme jumystary oń nátıje berip, turǵyndardyń órt qaýipsizdigine degen muqııat bolýy qadaǵalanady degen úmittemiz, deıdi Aqtaý qalasy Tótenshe jaǵdaılar basqarmasynyń ınjeneri azamattyq qorǵaý aǵa leıtenanty R. Túbekbaeva.
Gúlaıym ShYNTEMIRQYZY, «Egemen Qazaqstan»