Mańǵystaý oblysy IID Zańsyz kóshi-qonmen kúres arnaıy jeke rotasynyń 15 qyzmetkeriniń qatysýymen IID psıholog mamandary «Ujymdaǵy qalyptastyrýǵa arnalǵan» baǵytyndaǵy trenıng jattyǵýlaryn ótkizdi.
Trenıng barysynda qyzmetkerlerdiń kásibı-psıhologııalyq daıarlyǵy jáne jeke quramnyń kásibı qyzmetin psıhologııalyq qamtamasyz etý boıynsha «Ishki ister organdarynyń qyzmetkerleri arasynda ózine-ózi qol jumsaýdyń aldyn alý», «Profaılıng», «Kıkiljińniń aldyn alý joldary», «Ekstremaldyq jaǵdaılarǵa qarsy tótep bere bilý» taqyrypta túsindirý jumystary ótkizilip, jan-jaqty keńester berildi.
Qyzmetkerler birin-biri baǵalaı bilýge, jaǵymdy qarym-qatynas ornatýǵa jáne uıymdastyrýshylyq qabiletterin damytýǵa baǵyttalý maqsatyndaǵy trenıngte qyzmetkerlerge «Sezin», «Sezin», «Poımı menıa», «Shyrmaýyq», «Senim», «Keri qatynas» jattyǵýlary júrgizildi.
-Qyzmetkerlerge basshynyń jeke tulǵasyna tán mańyzdy qasıetterin, daǵdylary men biliktiligi jóninde maǵlumat berildi. Strategııalyq oılaý, uıymdastyrý qabileti, kommýnıkasııa, syrtqy baılanys, qarym-qatynas daǵdylary, basshylyq stıli, jumys sapasyna kóńil aýdarý men madaqtaý, qoıylǵan maqsattarǵa qol jetkizý jáne t.b. osy qasıetterdiń barlyǵy basshyǵa tán qasıetter ekendigi aıtyldy. Trenıng barysynda qyzmetkerler ózderiniń jeke basynyń qasıetterin tanı bildi. Bir-birimen jaqsy qarym-qatynas ornatyp, tereń tanysyp, bir-birine qoldaý kórsetti. Qyzmetkerler trennıng sońynda ózderin jeńil sezinip, jaqsy kóterińki kóńil kúımen uıymdastyrýshylyqqa, qaramaǵyndaǵylarmen ózine senim bildirgen adamdarǵa jaýapkershilikpen qarap, trenıngte sanaly túrde sezine bilý túısikterin aıqyndaı tústi, deıdi Mańǵystaý oblysy IID KJB ınspektor-psıhology polısııa aǵa leıtenanty Aqylbek Aıdarbaev.
Gúlaıym ShYNTEMIRQYZY, «Egemen Qazaqstan»
Mańǵystaý oblysy