Qazaq ónerin asqaqtatý, el ishindegi ónerli azamattardy halyqqa tanytý, olardyń shyǵarmashylyǵyn nasıhattaý maqsatynda ótken jyly qolǵa alynǵan «Men qazaqpyn» dástúrli ánshi, kúıshi jáne termeshilerdiń halyqaralyq televızııalyq baıqaýy bıyl da jalǵasyn tabatyn bolady. Bul oraıda ulttyq ónerdi nasıhattap júrgen ónerpaz jandardyń jasyndaı jarqyraýyna múmkindik mol.
О́tken jyly atalǵan baıqaýda «Dástúrli án» atalymy boıynsha jambyldyq Sulýjan Ábenova top jarǵan bolatyn. Jýyrda óńirlik kommýnıkasııalar qyzmeti alańynda ótken baspasóz máslıhatynda «Qazaqstan» RTRK» aksıonerlik qoǵamy «Jambyl.tv» Jambyl oblystyq fılıalynyń dırektory Jasulan Ábdimanap atalǵan jobada Áýlıeata óńirindegi talanttardyń kórinýine múmkindik joǵary ekenin, sonymen qatar, jobanyń maqsaty aýyldy jerde júrgen azamattarǵa qoldaý kórsetý ekenin aıtty.
Al Jambyl oblystyq mádenıet, arhıvter jáne qujattama basqarmasy basshysynyń orynbasary Zúbáıra Sembınanyń aıtýynsha, úsh atalym boıynsha Taraz qalasynda jáne oblystyń barlyq aýdandarynda irikteý kezeńderi ótip, ony bilikti mamandar saralaıtyn bolady. Sondaı-aq atalǵan baıqaýǵa 18 ben 40 jas aralyǵyndaǵy dástúrli ónerge beıimi bar úmitkerler qatysa alady. Jalpy, basqosýda qatysýshylardyń arnaıy dıplomy nemese kásibı bilimi bolýy mańyzdy emestigi de aıtyldy. О́z sózinde oblystyq Halyq shyǵarmashylyǵy ortalyǵynyń kórkemdik jetekshisi Elmıra Dútbaeva aıtýly megajobaǵa Áýlıeata óńiriniń daıyndyǵynyń joǵary ekenine jáne baıqaýǵa qatysýshy ónerpazdardyń sapalyq quramy jaqsarǵanyna toqtaldy.
«El ishi – óner kenishi» deıdi halqymyz. Endigi jerde atalǵan joba arqyly aýylda júrgen talantty ónerpazdar da tyńdarmanymen qaýyshyp, shyǵarmashylyǵyn damyta alady. «Men qazaqpyn» jobasynda «Dástúrli án» atalymy boıynsha tanymal ánshi Aıgúl Maqasheva, «Terme óneri» atalymy boıynsha termeshi-jyrshy Ertaı Tazabekov, «Kúı» atalymy boıynsha kúıshi Erjan Rysmetov úmitkerlerdiń ádil baǵalaryn berip, barlyq aýdandardy aralap shyǵady dep josparlanýda.
Hamıt Esaman,
«Egemen Qazaqstan»
Jambyl oblysy