Semeıde «Alashtyń nar jigiti» atty er azamattar saıysy ótti

Olardyń ishinde atap aıtsaq, «Aqshyń» saýda orta­lyǵynyń atqarýshy dırek­tory Erlan Ja­qypov, Artıllerııalyq dıvı­zııa­nyń áskerı qyzmetshisi Ermek Teńizbaev, №42 or­­ta mek­teptiń muǵalimi Aman Qonys­bekov, R.Baı­se­ıitov atyn­daǵy qar­jy-ekonomıkalyq kol­led­­jiniń ustazy Samat Kárip­ja­nov, «Nurdáýlet» balalar baq­­shasynyń tárbıeshisi Ernur Aq­parov, Semeıdegi ob­lystyq tarıhı-ólketaný mýzeıiniń eks­kýr­sovod je­tek­shisi Mı­ras Qu­­sa­ıy­nov, Shaqaman aýyl­dyq okrýginiń bas mamany Da­nııar Aıdarbaev, Abaı­dyń mem­lekettik qo­ryq mý­zeıiniń ǵy­ly­mı qyz­met­keri Meıirjan Nur­la­nov­tar bar. 

– Biz saıysqa túrli ma­man­­dyqta qyzmet istep júr­gen saı­dyń tasyndaı ór jigitterimizdi sha­qy­ryp otyrmyz, – dedi Se­meı qalalyq mádenıet jáne tilderdi damytý bóli­miniń basshysy Naz­erke Aq­qojına. – Alashtyń izba­sarlary tek ózderiniń ǵana mamandyqtary emes, basqa da talanttary bar eken­dikterin halyq aldyn­da kórsete bilip, keler ur­paq­qa úlgi-ónege bolsyn degen maqsatty ustandyq. 

Nar jigitter áýeli óleń­­­­­men ózin tanystyrýdan synǵa tús­ti. Sol kezden bas­tap Erlan Ja­­qypov al­dy­ǵa oza shabatyn­dy­­ǵyn bir­den kórsetti. Keń da­ýysy, sahnada ózin-ózi us­taý má­denıetimen erekshelenip, saıysqa qatysyp otyr­ǵan­­dardan birden alǵa shyq­­ty. Jeti qazynanyń bi­rine jatatyn er qarýyn qol­danýda taǵy da Erlan Jaqypovtyń bási joǵa­ry boldy. Eń mergen retinde tanyl­ǵan Erlan Jaqypov birden 44 upaı jınady. Odan keıin 41 upaı­dy Me­ıir­jan Nurlanov, 38 upaı­dy Samat Káripjanov enshiledi. 

Ulttyq kıim kıip shyq­qan kezde de saıysqa qaty­sýshylardyń talǵamy keńi­nen baǵalandy. Gır tasyn kóterý, án salyp, ult­tyq naqyshta bı bıleý, salt-dástúr­lerdi, tarıhty jatqa aıtyp be­rip, túsindirýden «Alashtyń nar jigiti» bas báıgesin Erlan Ja­qy­pov ıelenip, beline jeńis­tiń belbeýin taqty. 

Raýshan NUǴMANBEK, jýrnalıst

SEMEI