«Ýels» ulttyq quramasynyń bas bapkeri Raıan Gıggz eń talantty fýtbolshylardyń qaı quramalarda oınaıtynyn aıtty.
«Men, árıne, Brazılııa men Germanııany aıtar edim. Alaıda osy jyly Belgııa men Fransııanyń oıyny qyzyq bolatyn sekildi. Sebebi eń talantty fýtbolshylar osy quramalarda», deıdi ol.
«Rolan Garros» týrnıri óz máresine jetti
Fransııa ashyq chempıonaty óz máresine jetti. Erler arasynda Rafael Nadal Domınık Tımdi jeńip, «Rolan Garros» shyńyn 11-shi ret baǵyndyrdy. Áıelder arasyndaǵy oıynda Sımona Halep amerıkalyq Sloan Stıvensti 3:6, 6:4, 6:1 esebimen utty.
Ispan tenısshisi Rafael Nadal Fransııa ashyq chempıonatynyń fınalynda aýstrııalyq Domınık Tımdi 6:4, 6:3, 6:2 esebimen jeńdi. 32 jastaǵy sportshy «Rolan Garros» jarysynda 11 ret jeńiske jetti. Parıjde ótken sońǵy oıyndaǵy jeńisi nátıjesinde Nadal álemniń birinshi raketkasy ataǵyn saqtap qaldy. Rafael shveısarııalyq Rodjer Federerden 100 upaı ozyp tur.
27 mamyr kúni bastalǵan «Rolan Garros» dodasynda Qazaqstannan Mıhaıl Kýkýshkın, Iýlııa Pýtınseva, Zarına Dııas qatysty. 1/4 fınalda oınaǵan Iýlııa Pýtınseva amerıkalyq Medıson Kızden 6:7, 4:7 esebimen jeńilis tapty. Áıelder tennıs assosıasııasy reıtıngi boıynsha Pýtınseva 56 orynǵa jaıǵassa, Dııas 51-den 45-shi orynǵa kóterildi.
NBA-nyń basty júldesin altynshy ret aldy
«Golden Steıt» tórtinshi matchta «Klıvlendti» jeńdi. «Klıvlend Kavalers» pen «Golden Steıt Ýorrıorz» arasyndaǵy fınaldyq kezdesý Klıvlendte «Kýıken Loans-Arenada» qonaqtar paıdasyna sheshildi (85:108).
Matchtyń eń nátıjeli oıynshylary «Ýorrıorzdan» 37 upaımen Stıven Karrı, «Klıvlendten» 23 upaımen Lebron Djeıms boldy. «Golden Steıt» 4:0 esebimen jeńiske jetti. Kalıfornııalyq klýb altynshy ret NBA-nyń basty júldesin enshiledi.
Daıyndaǵan
Yrysty QADIRBEK