Parlament Senatynda Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń músheleri elimizdiń Aýyl sharýashylyǵy mınıstrliginiń jáne Aqparat jáne kommýnıkasııalar mınıstrliginiń basshylarymen birge Memlekettik jer kadastryn jáne jerdi paıdalaný men qorǵaýdy memlekettik baqylaýdy júrgizý máselelerin talqylady.
Otyrysty kirispe sózben ashqan Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy J.Nurǵalıev máseleniń elimiz úshin mańyzyna toqtalyp ótti.
Atalǵan másele boıynsha Aýyl sharýashylyǵy vıse-mınıstri Erlan Nysanbaevtyń, Aqparat jáne kommýnıkasııalar vıse-mınıstri Daryn Tuıaqovtyń, Jer resýrstaryn basqarý komıtetiniń tóraǵasy Ermek Kárentaev jáne «Azamattarǵa arnalǵan úkimet» memlekettik korporasııasy» KEAQ Basqarma tóraǵasynyń orynbasary Ǵalym Qarqynbaevtyń baıandamalary tyńdaldy. Baıandamashylar, mınıstrlikter ókilderi depýtattardyń qoıǵan suraqtaryna jaýap berdi.
Otyrysta depýtattar tarapynan jer kadastryn júrgizý máselesine qatysty birqatar syn-eskertpeler aıtylyp, qorytyndysynda jer kadastryn júrgizý, onyń avtomattandyrylǵan júıesiniń jumysyn retke keltirý úshin múddeli memlekettik organdar úshin tıisti nusqaýlyq qujattar ázirleý jóninde sheshim qabyldandy.
Suńǵat ÁLIPBAI,
«Egemen Qazaqstan»