Musylmandardyń alǵashqy tórt halıfasynyń biri Álı ıbn Ábýtálipti asa bilimdarlyǵynyń arqasynda el «ilimniń qaqpasy» dep ataǵan.
Birde zamandastary oǵan 10 adamdy kezek-kezegimen jiberip, bárine birdeı: «Bilim artyq pa, baılyq artyq pa?» degen suraqty qoıdyrǵan. Sonda hazireti Álı árbir suraqqa ártúrli dáıektemelermen bylaı dep jaýap bergen:
1. Bilim artyq, óıtkeni ol – paıǵambarlardan qalǵan mıras, baılyq – baqyldardan qalǵan mura. 2. Bilim artyq, bilimdiniń janynda adal dostar kóp bolady, al baı adamnyń qasynda amal dostar kóp bolady. 3. Bilim artyq, ol dosyńdy kóbeıtedi, baılyq dushpanyńdy arttyrady. 4. Bilim artyq, ony qansha jumsaǵanmen azaımaıdy. Baılyqty jumsaı berseń, bir kúni túgesiledi. 5. Bilim artyq, ony ury-qarydan saqtaýdyń keregi joq, al jıǵan dúnıeńdi syrt kózderden qorǵashtaýmen ótesiń. 6. Bilimiń kóp bolsa el saǵan qyzyǵady, baılyǵyń kóp bolsa qyzǵanady. 7. Bilim artyq, bilimiń kóp bolǵanmen esep-qısap júrgizbeısiń, baılyǵyńa udaıy esep júrgizip turýyń kerek. 8. Bilim qansha kóp bolsa da, irip-shirip ketpeıdi, dúnıe-mal bolsa búlinedi, sondyqtan da bilim artyq. 9. Bilim adamnyń kishiligin arttyrady. Baılyq bolsa sarańdyq pen qomaǵaılyqty arttyrady. 10. Shynaıy bilimdi adam ornymen sóıleıdi, izettiligi de artady. Baılyǵy mol adam oǵan mastanyp maqtanady, astamshylyq kórsetedi, sondyqtan bilim artyq.
Beken QAIRATULY,
«Egemen Qazaqstan»