Osy jyly barlyq memlekettik apparat Astananyń sol jaǵalaýda ornalasqan jańa ákimshilik ortalyqqa qonystandy. Qala elorda mártebesin alǵan jeti jyl ishinde turǵyndarynyń sany ósip 541, 7 myń adamǵa jetti. Sonymen qatar bul jyly 1200 oryndyq – bes, 400 oryndyq bir orta mektep, 208 jáne 240 oryndyq eki balabaqsha paıdalanýǵa berildi.
5 qańtar – Prezıdent Nursultan Nazarbaev Astana qalasynyń ákimi О́mirzaq Shókeevti qabyldap, ótken 2004 jyly atqarylǵan jumystyń qorytyndy esebin tyńdap, oǵan oń baǵa berdi.
2 aqpan – Memleket basshysy Nursultan Nazarbaev Astana áýejaıynyń jańa halyqaralyq termınalynyń ashylý saltanatyna qatysyp, nysannyń ishin aralap kórdi. Jolaýshylar termınalynyń ǵımaraty bes deńgeıden turady jáne 6 teleskopııalyq satylarmen jaraqtalǵan. Barlyq ushaq túrlerin qabyldaıdy hám bir mezgilde 750 jolaýshyny ótkizýge múmkindigi bar.
24 aqpan – Elbasy N.Nazarbaev «Astanabasjospar» memlekettik kommýnaldyq kásipornynda bolyp, elordada salynatyn jańa ǵımarattardyń joba-maketimen tanysty shyqty. Memleket basshysy múgedekter men qarttarǵa arnalǵan 410 oryndyq ınternat úıiniń joba-maketin maquldaı otyryp, «Ana men bala ortalyǵy» sııaqty áleýmettik nysandardy salý jóninde tapsyrma berdi.
11 naýryz – Astana tórinde ornalasqan «Qazaqstan» sport saraıynda «Sport – barlyǵymyz úshin, sport – beıbitshilik úshin» atty respýblıkalyq festıvaldyń ashylý saltanaty ótti.
22 naýryz – Esil ózeniniń sol jaǵalaýynda taǵy bir eńseli ǵımarat «Nur Astana» meshiti paıdalanýǵa berildi. Onyń ashylý saltanatyna Elbasy Nursultan Nazarbaev qatysyp, 1994 jyly Saýdııaǵa barǵan saparynda korol Fahd bın Ábdel Ázız syılaǵan Qaǵba jabynynyń bir bóligin meshitke syıǵa tartty.
8 sáýir – astanalyq shyǵarmashylyq jastardyń «Jas báıterek» festıvali bastaldy. Eki kúnge sozylǵan festıvalǵa elordadaǵy 10 joǵary oqý ornynan 60 talapker qatysyp, alty atalym boıynsha baq synady.
15 sáýir – Astana qalasynda besinshi ret jas talanttardyń HIV «Jas qanat» respýblıkalyq konkýrsy bastaldy. Oǵan 13 úmitker qatysty.
16 sáýir – Syrtqy ister mınıstrligi ǵımaraty ashylyp, saltanatty sharaǵa Prezıdent N.Nazarbaev qatysty. Ǵımarat qurylysyn shvedtiń «Mobıteks» kompanııasy júrgizip, 2,5 jyl ishinde paıdalanýǵa bergen edi.
24 sáýir – qalada salynyp jatqan birqatar nysandar men mekemelerdi aralaǵan Memleket basshysy Nursultan Nazarbaev birinshi kezekte Esildiń sol jaǵalaýynda boı kótergen «Nursaıa» turǵyn úı keshenimen tanysty.
19 mamyr – Astanada Belarýs respýblıkasy elshiliginiń resmı ashylý saltanaty boldy. Saltanatty sharaǵa qos eldiń basshylary qatysty. Elshilik ornalasqan ǵımarat HIH ǵasyrda salynǵan sáýlet óneriniń eskertkishi bolyp tabylady.
10 maýsym – Astana kúnine oraı Elbasy Nursultan Nazarbaevtyń «Eýrazııa júreginde» atty kitabynyń tusaýkeser rásimi ótti.
10 maýsym – Qajymuqan Muńaıtpasov atyndaǵy ortalyq stadıonda Astana kúnine arnalǵan «Astana – meniń shabytym» atty merekelik qoıylym men «Tarıh kerýeni» atty sherý ótti.
5 shilde – Astanada ótken ShYU-ǵa múshe memleket basshylarynyń sammıtinde terrorızmge, separatızm men ekstremızmge qarsy kúrestegi yntymaqtastyq tujyrymdamasy bekitildi
26 shilde – Uly Jeńistiń 60 jyldyǵyna oraı soǵys jáne tylda eńbek etken ardagerlerge kómek kórsetý maqsatynda uıymdastyrylǵan «Jeńis» merekelik poıyzy sońǵy aıaldama elorda tórine kelip taban tiredi.
10 tamyz – «Memlekettiń naqty áriptesi retinde «úshinshi sektordyń» damýy jáne nyǵaıýy» degen taqyrypta Astana qalasynda úkimettik emes uıymdardyń aımaqtyq forýmy bastaldy.
30 qyrkúıek – elorda tórinde elimizdegi birlesken joǵary oqý oryndarynyń biri – Qazaqstan-Reseı ýnıversıtetiniń jańa oqý ǵımaraty paıdalanýǵa berildi.
1 qarasha – Astanadaǵy «Alataý» sport saraıynda «Indýstrııalyq-ınnovasııalyq Qazaqstan» strategııasyn júzege asyrýdyń alǵashqy kezeńiniń aıaqtalýyna baılanysty kórme ashyldy.
1 jeltoqsan – Elbasy N.Nazarbaev Túrkııanyń «Rıksos» otelder júıesi men Reseıdiń «Koalko» kompanııasy jáne elimizdiń basqa da fırmalarynyń qarjylandyrýymen Astanada salynǵaly otyrǵan eń úlken oıyn-saýyq ortalyǵynyń alǵashqy irtetasyn qalaý rásimine qatysty.
14 jeltoqsan – Astanada ótken agroónerkásip máseleleri jıynynda Aýyl jyldary qorytyndylandy. Onyń jetistikterin aımaqtardan kelgen ókilder joǵary baǵalady.
Daıyndaǵan Beken QAIRATULY,
«Egemen Qazaqstan»