Qostanaılyq 6- 8 jas aralyǵyndaǵy 5 búldirshin Arab Ámirlikteriniń Dýbaı qalasynda mentaldi arıfmetıkadan ótken halyqaralyq olımpıadadan júldeli oraldy.
Olımpıadaǵa 10 eldiń 24 mektebinen 350-den asa oqýshylar jınaldy. Qostanaı qalasyndaǵy Jyldam oqý jáne balalardyń ıntellektin damytý mektebinde mentaldyq arıfmetıkamen aınalysatyn 5 bala baǵyn synap kórýge Dýbaıǵa jolǵa shyqqan bolatyn.
– Bizdiń balalar shetinen daryndy. Olar oblys ortalyǵyndaǵy eń ozat mektepterge barady. Al bizdiń mektepke olardy ata-analary balany odan ári damytý úshin bergen bolatyn, – deıdi mektep muǵalimi Sholpan Nurqanova.
Olımpıadaǵa barǵan Azat Qojahmetov, Bogdan Ten, Darııa Shýmýrova, Tomırıs Kalen, Zlata Konıenko búldirshin bolsa da ózderiniń ustamdylyǵymen, tapsyrmany erkin bilýimen tańqaldardy. Olar óz kategorııalarynda synǵa túsip, jer sharynyń ár shalǵaıynan kelgen qurbylarynan áldeqaıda basymdyq tanytty. Barlyǵy da kategorııalar boıynsha ekinshi oryndy jeńip aldy.
– 350 balanyń ishinen ekinshi oryn alý degen sóz bizdiń oqýshylar úshin zor jetistik. Aldaǵy ýaqytta ózge de osyndaı úlken jarystarǵa daıyndalamyz. «Mentaldyq arıfmetıka balaǵa eshnárse bermeıdi» degen piriklerdi estip qalamyz. Bul balanyń jadyn jattyqtyrady, damytady, – deıdi Sholpan.
Júldegegerlerdiń ata-analary alys jolǵa kishkentaı balapandaryn jiberýge júreksinip, ózderi olarǵa demeýshilik jasap, erip bardy. Al jattyqtyrýshyny mektep jibergen.
Názıra Járimbet,
«Egemen Qazaqstan»
Qostanaı