Jyldyń basynda Memleket basshysy Nursultan Nazarbaev: «Qazaqstan joly – 2050: Bir maqsat, bir múdde, bir bolashaq» atty Qazaqstan halqyna Joldaýyn jarııalady. Sondaı-aq osy jyly elimizdiń áleýmettik-ekonomıkalyq ahýaly ishki, syrtqy faktorlardyń áserinen biraz ózgeriske ushyrady. Iаǵnı álemdik naryqtaǵy silkinister ulttyq ekonomıkaǵa da áser etpeı qoımady. Sonyń biri – jyl basynda teńge devalvasııasy oryn aldy. Aqpan aıynyń alǵashqy onkúndiginde ulttyq valıýtamyzdyń dollarǵa shaqqandaǵy baǵamy 185 teńgege deıin jetti. Biraq Ulttyq bank jaǵdaıdy durys baǵamdaýdyń arqasynda baǵany turaqty ustaı aldy.
1 qańtar – Jańa jyldyń alǵashqy kúni elorda perzenthanalarynda 146 sábı ómirge keldi.
7 qańtar – elordada ómir súrip jatqan múgedek-zaǵıp jandar úshin «Invataksı» qyzmeti paıda bolyp, oǵan qala bıýdjetinen 8 mln teńge qarjy bólindi.
10 qańtar – Astana turǵyndary Qazaqstan áskerlerıleriniń jaýyngerlik daıyndyq josparyna sáıkes ótkizilgen avtokólikter sherýin tamashalady.
11 qańtar – elordada «Dóńgelek alań» atty kópshilik demalys orny ashyldy.
4 aqpan – bir jyl buryn tusaýy kesilgen «Astana Opera» teatry alǵashqy gastrolin Almaty qalasynan bastady.
7 aqpan – elordadaǵy Tuńǵysh Prezıdent mýzeıinde qylqalam sheberi Jeńis Kákenulynyń «Sáıgúlik serenadasy-4» atty jeke kórmesi ashyldy.
22 aqpan – astanalyq boksshy Mereı Aqshalov Azııa boks konfederasııasynyń sheshimimen «Jyldyń úzdik boksshysy» atandy.
28 sáýir – «Turan – Astana» ýnıversıtetinde London Olımpıadasynyń qola júldegeri Marına Volnovamen kezdesý boldy.
12 mamyr – Astanadan Qaraǵandy baǵytyna qatynaıtyn «Saryarqa» elektropoıyzynyń jańartylǵan quramy jolǵa shyqty.
17 mamyr – Sankt-Peterbýrg qalasynda Astananyń mádenı kúnderi bastalyp, Neva ózeni jaǵalaýyna qazaqtyń etnoaýyly jasaqtaldy.
24 mamyr – elordanyń jańa Oqýshylar saraıynda daryndy balalarǵa arnalǵan «Trıýmf» baly ótkizildi. Oǵan 200-den astam ártúrli ǵylymı jobalar jeńimpazdary qatysty.
29 mamyr – Astanada Qazaqstan, Belarýs, Reseı prezıdentteri – Nursultan Nazarbaev, Aleksandr Lýkashenko jáne Vladımır Pýtın Eýrazııalyq ekonomıkalyq odaq qurý týraly shartqa qol qoıdy.
2 maýsym – «Astana – Shymkent» baǵyty boıynsha dittegen jerine 15 saǵat 35 mınýtta jetetin júrdek «Talgo» qatynaı bastady.
4 maýsym – Reseı Federasııasy Saratov oblysynyń Astanadaǵy kúnderi «Pekın palas» meımanhanasynda saltanatty jaǵdaıda ashyldy.
9 maýsym – «Astana Opera» teatrynda reseılik baletmeıster Iýrıı Grıgorovıch daıyndaǵan «Spartak» baletiniń premerasy boldy.
30 maýsym – Prezıdent N.Nazarbaev jyldaǵy dástúr boıynsha Astana mańyndaǵy orman alqaptaryn aralap, «Jasyl beldeý» baǵdarlamasymen tanysty.
3 shilde – elordada Ulttyq qorǵanys ýnıversıtetiniń jańa ǵımaraty paıdalanýǵa berilip, ashylý rásimine Elbasy N.Nazarbaev qatysty.
4 shilde – Elbasy N.Nazarbaev Astana kúnin merekeleýdiń basy Memlekettik týdy kóterý rásimine qatysty.
6 shilde – qala merekesine oraı elordada «Astana-alaý» atty túrki mýzykasynyń festıvali bastaldy. Oǵan 14 eldiń óner sheberleri qatysty.
5 qyrkúıek – Qazaqstan halqy tilderiniń XVI festıvali bastaldy. Ol qyrkúıektiń 19-yna deıin sozylyp, birneshe ataýly baǵdarlama boıynsha konkýrstar ótkizdi.
17 qyrkúıek – «Astana Opera» teatrynyń uıymdastyrýymen bastalǵan «Jibek joly» halyqaralyq festıvali ıtalıan kompozıtory Djakomo Pýchchınıdiń «Toska» operasymen ashyldy.
20 qazan – elorda tórinde ultymyzdyń birtýar kompozıtory Shámshi Qaldaıaqovtyń ánderin nasıhattaýǵa arnalǵan «Meniń Qazaqstanym» festıvali shymyldyǵyn túrdi. Ol 5 kúnge sozyldy.
11 qarasha – Memleket basshysy N.Nazarbaev «Nurly jol – bolashaqqa bastar jol» atty Qazaqstan halqyna arnaǵan Joldaýyn jarııalady.
15 jeltoqsan – elordadaǵy «Astana Opera» teatrynda elimizdiń qasterli merekesi – Táýelsizdik kúnine oraı saltanatty shara ótti. Oǵan Memleket basshysy N.Nazarbaev qatysyp, sóz sóıledi.
Beken Qaıratuly,
«Egemen Qazaqstan»