Shymkentte bala zorlady dep aıyptalǵan kúdikti eki aıǵa ýaqytsha tergeý abaqtysyna qamaldy, dep habarlaıdy Eńbekshi aýdandyq sotynyń úılestirýshi sýdıasy Danııar Mademarov.
Sýdıanyń sózinshe, 1985 jyly týǵan kúdiktini qamaýǵa alý týraly sanksııa berilgen. «Kúdiktiniń ústinen Qylmystyq Kodekstiń 121-baby 4-bóligimen ("Seksýaldyq sıpattaǵy zorlyq-zombylyq áreketteri") is qozǵaldy. Ony eki aıǵa qamaýǵa alý týraly sanksııa berildi. Sot jabyq ótti»,- deıdi Danııar Mademarov.
Eske salaıyq, eki kún buryn qaladaǵy kópqabatty turǵyn úılerdiń birinde belgisiz er adamnyń kámeletke tolmaǵan balaǵa zorlyq jasaǵan áreketi áleýmettik jelige taraǵan.
Qazirgi tańda osy beınetúsirilim boıynsha saraptama taǵaıyndalyp, sotqa deıingi tergeý amaldary júrgizilýde.