Oblys ortalyǵynda qazir Saryarqa atty jańa shaǵyn aýdan boı kóterip keledi. Búgin Astananyń 20 jyldyq mereıtoıy qurmetine oraı shaǵyn aýdanda 9 qabatty jańa turǵyn úı paıdalanýǵa berildi.
Jańa aýdan ornalasqan Lomov kóshesi, 154/4 mekenjaıy boıynsha salynǵan úıde 54 eki bólmeli, 18 úsh bólmeli páter bar. Turǵyn úı qurylysyn jergilikti «Járdem» JShS júrgizdi. Páter alǵan turǵyndardy oblys ákimi Bolat Baqaýov Astana kúnimen jáne qonys toıymen quttyqtady.
«Nurly jer» baǵdarlamasy aıasynda qol jetimdi bolyp otyrǵanyn aıtyp ótti. Páterlerdiń kiltteri múgedekterge, ardagerlerine, jetim qalǵan balalarǵa, ata-anasynyń qaraýynsyz qalǵan balalar men «Altyn alqa» ıegerlerine tabystaldy.
Oblys ortalyǵynda «Nurly jer» baǵdarlamasy boıynsha salynǵan turǵyn úı qurylysyna respýblıkalyq bıýdjetten 493 mıllıon teńge bólinipti. Bul - Saryarqa shaǵyn aýdanynda boı kótergen 13-shi úı. Jyldyń sońyna deıin taǵy da 8 úı berilmek.
Farıda Byqaı,
«Egemen Qazaqstan»
PAVLODAR
Sýretti túsirgen Valerıı Býgaev