Qymbatty otandastar!
Qazaqstan halqy Assambleıasy sizderdi shyn yqylasymen búkilhalyqtyq mereke – Astana kúnimen quttyqtaıdy!
Bul – Táýelsizdigimizdiń tarıhynda erekshe orny bar mereke.
О́ıtkeni Astana kúni – jas memleketimiz damýdyń ózgeshe jolymen júrýi úshin ordasyn el ortalyǵyna kóshirý týraly tarıhı sheshim qabyldanǵan kúndi beıneleıdi.
Astana – eldiń irgesi berik bolýyn maqsat etip, asa mańyzdy strategııalyq qadam jasaǵan Qazaqstan Respýblıkasynyń Prezıdenti, Elbasymyz N.Á.Nazarbaevtyń kóregendigin kórsetetin joba.
Elbasynyń bastamasyn qoldap, Saryarqa tósine kelgen barsha adam, Qazaqstandy meken etken búkil halyq bul jobanyń biregeı tabystaryna kún saıyn kýá bolýda. Jańa mártebege ıe bolǵaly ótken 20 jyl ishinde Astana damý qarqyny men erekshe sáýletiniń arqasynda ǵasyr ǵajaptarynyń qatarynda atalatyn dárejege jetti. Ol iri saıası sheshimder qabyldanatyn, ǵylymı jańalyqtar jasalyp, mádenı is-sharalar ótkiziletin tanymal ortalyqqa aınaldy.
Astana men el birligi, dostyq pen qoǵamdyq kelisim uǵymdary – bir júretin qasıetti uǵymdar. Qazaqstandyqtardy ǵana emes, jahan halqyn túsinistik pen tatýlyqqa shaqyratyn sezder men forýmdardyń Astanada ótkizilýiniń máni de osynda.
Qyzmeti eldiń birligi men yntymaǵyn saqtap, keler urpaqqa berekesi mol, birligi berik qoǵamdy tabys etýdi maqsat etetin Qazaqstan halqy Assambleıasynyń bıyl ótken XXVI sessııasynda «Assambleıa týraly» Zańǵa engizilgen ózgerister men tolyqtyrýlar elimizde osy uǵymdardy is júzinde ornyqtyra, bekite túsýdi kózdeıtini atap ótildi.
Qurmetti qazaqstandyqtar!
Búginde Astana – rýhanı jańǵyryp, Máńgilik El bolýdy murat etken, bolashaǵy jarqyn eldiń aıbyndy ordasy.
Osyndaı merekeli kúni Qazaqstan halqy Assambleıasy elimizdiń árbir azamatyn quttyqtap, qýanysh pen tabys, otbasyna baq pen bereke, Otanymyzǵa jáne eńseli elordamyzǵa ósip-órkendeý tileıdi!
Astana – rýhanı jańǵyrýymyzdyń, Qazaqstan halqynyń bolashaqqa degen nyq senimi men ony túrlendiretin jasampaz kúshiniń sımvoly bolyp qala bersin!
Qazaqstan halqy Assambleıasynyń Keńesi