Qazaqstan Respýblıkasynyń táýelsizdik alǵanyna 25 jyl toldy. Elbasy N.Nazarbaev halyqqa Joldaýynda táýelsiz memleket atanǵanymyzdyń 25 jyldyǵy týraly aıta kelip: «Memlekettigimizdiń tuǵyryn myzǵymastaı nyǵaıta túsý úshin bizge áli talaı ótkeli kúrdeli, ókpegi kóp buralań joldardan ótýge týra keledi» dedi. Iаǵnı Qazaqstan shırek ǵasyrǵa jýyq ýaqyt ishinde qarjy daǵdarystarynyń qıyndyqtaryna qarsy tura bildi, turaqty damý jolyna túsip, bıik belesterdi baǵyndyrdy, tolaǵaı jetistikterge qol jetkizdi, álemdegi básekege qabiletti 50 eldiń qataryna endi.
12 aqpan – Astanadaǵy Medısınalyq áleýmettik ońaltý ortalyǵy jańa ǵımaratqa kóshti.
8 naýryz – álemge áıgili «McDonald’s» meıramhana jelisi Astana qalasynda da ashyldy.
5 sáýir – Astana ákimi Á.Jaqsybekov Sochı qalasynyń meri Anatolıı Pahomovpen kezdesti. Qos shahar ózara yntymaqtastyq ornatý týraly kelisimge keldi.
11 sáýir – Chelıabi oblysynyń Astanadaǵy kúnderi bastaldy.
25 sáýir – elorda ákimi qala polısııasyna qyzmeti úshin elimizde qurastyrylǵan «Peugeot 301» markaly 35 avtokóliktiń kiltin tapsyrdy.
27 sáýir – Elbasy N.Nazarbaevtyń tóraǵalyǵymen Astana qalasynyń ekonomıkalyq damýy jáne EKSPO kórmesin ótkizýge arnalǵan keńes ótip, Elbasy osy salaǵa qatysty qurylym basshylaryna tapsyrmalar berdi.
19 mamyr – Astanada bokstan áıelder arasynda álem chempıonaty ótti. Qazaqstandyq qyzdar baıraqty básekeden 4 altyn, 2 qola medal oljalap, komandalyq esepte birinshi oryndy ıelendi.
17 maýsym – qala ákimi Á.Jaqsybekov mektep bitirgen 132 túlekke «Altyn belgi» tósbelgisin tapsyrdy.
1 shilde – Astanada sanıtarlyq-gıgıenalyq jáne turmysqa qajetti qaǵaz ónimderin óndiretin zaýyt iske qosyldy.
4 shilde – Astananyń mıllıonynshy turǵyny dúnıe esigin ashty. Aqjoltaı habardy estigen Elbasy náresteniń ata-anasyn quttyqtady. Qala basshysy Á.Isekeshev erli-zaıyptylarǵa Elbasy atynan páter kiltin tapsyrdy.
6 shilde – qala kúnine arnalǵan «Baǵanaly ordam – basty ordam» atty respýblıkalyq aıtys ótip, bas júlde Erkebulan Qaınazarǵa buıyrdy. 6 shilde – elordada erekshe sport nysany – Astana-Trıatlon parki ashyldy.
12 shilde – qala turǵyndary Máskeý-Astana-Beıjiń baǵytynda «Jibek joly – 2016» rallı-marafonyna qatysýshylardy «Báıterek» monýmenti túbinde qoshametpen qarsy aldy.
24 tamyz – Astana ákimi Rıo-de-Janeıro Olımpıadasynda medal alǵan elordalyq sportshylar Danııar Eleýsinov, Vasılıı Levıt, Gıýzel Manıýrovaǵa temir tulpardyń kiltin tapsyrdy.
31 tamyz –Astana qalasynda Ortalyq Azııa boıynsha balamasy joq oqý ordasy – Qazaq ulttyq horeografııa akademııasy ashyldy. 15 qyrkúıek – Astana áýejaıynda elorda arqyly júk tasymaldaý ınfraqurylymyn damytý maqsatynda júkter men taýarlardy kedendik rásimdeýge arnalǵan keden beketiniń jańa ǵımaraty paıdalanýǵa berildi.
19 qyrkúıek – Máskeýde Astana kúnderi bastaldy. Eki kúndik saltanatty sharaǵa elimizdiń abyroıyn asyryp júrgen óner sańlaqtary qatysty. 8 qazan – Astana qalasynyń «Jasyl beldeý» aýmaǵynyń ońtústik-batys bóliginde uzyndyǵy 23 shaqyrymdyq velojol ashyldy.
14 qazan – Prezıdent N.Nazarbaev qala ákimi Áset Isekeshevti qabyldap, elordanyń toǵyz aıdaǵy áleýmettik-ekonomıkalyq damý qorytyndylaryn, Táýelsizdiktiń 25 jyldyǵyn merekeleýge jáne EKSPO-2017 kórmesin ótkizýge daıyndyq barysy jaıly sóılesti. 19 qazan – elorda tórinde Halyq Qaharmany Raqymjan Qoshqarbaevtyń eskertkishi ashyldy.
21 qazan – bas qalada «ForteBank Kulanshi Artspace» óner galereıasy ashyldy.
31 qazan – EKSPO-2017 kórmesine qatysatyn memleketterdiń alǵashqy bestigi – Vengrııa, Germanııa, Qytaı, Túrkııa, Fransııa pavılondaryna sertıfıkat tapsyryldy.
6 jeltoqsan – Astanada N.Nazarbaevtyń qatysýymen jalpyulttyq telekópir ótip, shara ústinde Elbasy elordadaǵy qurylys materıaldaryn shyǵaratyn zaýytty iske qosty.
12 jeltoqsan – Astana ákimi Áset Isekeshev elordadaǵy Ortalyq jedel medısınalyq stansasynyń jańa ǵımaratyn saltanatty jaǵdaıda ashty.
16 jeltoqsan – Memleket basshysy N.Nazarbaev EKSPO-2017 kórmesi aýmaǵynda ornatylǵan «Táýelsizdiktiń 25 jyldyǵy» monýmentin ashty. Nysannyń 25 qyry el táýelsizdiginiń 25 jyldyq datasyna oraılastyrylǵan eken.
Daıyndaǵan
Beken QAIRATULY,
«Egemen Qazaqstan»